قالت هند سعيد صالح، ابنة الفنان سعيد صالح، إن والدها لم يندم أبدًا على قراراته، مضيفة: "عمره ما كان بيبص وراه أبدا وعمره ما كان يقول ياريتني".
وأضافت هند، خلال حوارها ببرنامج "الستات مايعرفوش يكدبوا"، المذاع عبر فضائية "سي بي سي"، أنه عندما دخل السجن بسبب آرائه على المسرح لم يندم أبدا، معقبة: "بالعكس.. لأن اللي بيقول أرائه سواء على المسرح أو السينما أو الصحافة موجودين.. بس كون أن ربنا يختار سعيد صالح علشان يدخل فهو كدا بيقوله سيب الأضواء والنجومية".
وتابعت هند: "والدي متدينش ولكنه عرف الفروض اللي المفروض تحصل للإنسان العادي.. وكان بعد خروجه من السجن بيحج كل عام.. وهو داخل السجن وأنا في الثانوية العامة.. وكانت مأساته أنا وكانت أول زيارة لينا أنا وماما مرضاش يقابلنا.. وحاولت أقلب الموقف كوميدي علشان أحسسه أنه مفيش حاجة".
