تحدثت النجمة التونسية درة خلال استضافتها في أحد البرامج عن تفاصيل كثيرة تخص مشاريعها الفنية، حيث كان أخر أعمالها السينمائية فيلم الكاهن، والمقرر عرضه خلال موسم الصيف الحالي.
وقالت درة لبرنامج " لايت شو" المذاع على فضائية الحياة: " انتهيت من تصوير فيلم "الكاهن" مع النجوم حسين فهمى ومحمود حميدة وجمال سليمان وإياد نصار وفتحي عبد الوهاب، وطبعا تأليف محمد ناير، وإخراج عثمان أبو لبن، والمفروض ينزل في الصيف"، مشيرة إلى أنها لا تعلم تاريخاً محدداً لوقت العرض قائلة" مش عارفين بالظبط التاريخ، ودلوقتي بيخلصوا مرحلة المونتاج والحاجات دي كلها، لكن هينزل قريب في المعاد المناسب للمنتج والموزع".
وعن طبيعة دورها في الفيلم أضافت : "طبعا فيلم الكاهن فيلم كبير ومهم، والأسماء الموجود فيه كفاية، والدور برضه مختلف بالنسية ليا، هو أكشن وفيه "ساسبنس"، قصة لم تطرح كثيراً في السينما، موضوع جديد، مش هحرقه لكن نفسي الناس تشوفه، ودوري لا يعتمد علي الشكل، لأن أنا في الأدوار بحب أفصل خالص".
وحول اعتذارها عن مسلسل "انتقام سرى"، كان من المفترض أن تقوم ببطولته وعرضه خلال رمضان الماضي، قائلة : "انتقام سري كنت هعمله رمضان اللي فات واعتذرت عنه، إحنا منعرفش هنأجله ولا مش هنعمله، ممكن نعمل فكرة تانية"، لافتة أن اعتذارها كان بهدف إيجاد وقت فراغ لحياتها الشخصية قليلاً حيث قالت" اعتذرت لأن أنا كنت رمضان اللي فات عايزة وقت أكتر لحياتي الشخصية، هو كان 30 حلقة وبطولة مطلقة، فكان الموضوع هيبقي تقيل، وفي نفس الوقت أنا بخاف شوية، كنت خايفة من الخطوة في التوقيت ده".
