وجهت الفنانة راندا البحيري، رسالة موثرة للفنان التشكيلي أحمد شيحة، والد الفنانة حلا شيحة، وذلك بعد إعتراضه على تصريحات ابنته الأخيرة.
وقالت راندا من خلال حسابها الرسمي على «إنستجرام»: بعد كل اللي حصل واللي إتقال والتضامن من قِبَلنا مع نقيب الفنانين الدكتور أشرف زكي.. وُجب عليّ تقدير وشكر هذا الرجل العظيم الفنان أحمد شيحة وعايزه أقوله حضرتك على راسي وأنا بحترمك جدًا جدًا جدًا وبحبك بجد وشكرًا لوقوف حضرتك مع الفن والفنانين ومقدره جدًا موقف سعادتك ودموعك الغالية وجعتلي قلبي».
جدير بالذكر أن راندا البحيري، هاجمت حلا شيحة قائلة: «هو محدش فهمها أن اللي بتعمله ده ممكن يعرضها للمساءلة القانونية، وأنها بتضر بسمعة فيلم وبالتالي إيراداته؟».
وتابعت: «بتتكلم عن ممثل ونجم بحجم تامر حسني بالشكل ده أكنها أحسن منه، وإحنا كلنا عارفين الخير اللي بيعمله تامر طول عمره، في الخفاء وفي العلن على إيدينا كلنا، فضله على ناس كتير أوي، وربنا جعله سبب لفتح بيوت قد كده، وهي تنصحه، لا والله هم يضحك».
وتابعت راندا البحيري، قائلة: «أنا أم وعارفه وحاسه بيك جدًا وربنا يطمنك عليها وعلى عيلتك كلها وأتمنى ليكم يارب كل حاجة حلوة كلكم انت وعائلتك المصونة.. وآسفه لو كنت حادة في ردي علي بوست إبنتك الفنانة والتي طالما أحببتها من صغري وكنت طول عمري بحب رقتها وشكلها الجميل ونقائها.. ولازلت أتمنى لها كل خير يارب ربنا يسعدها ويهديها للأصلح لها ولأولادها اللهم آمين».
اقرأ أيضا |راندا البحيري تهاجم حلا شيحة: «كلنا عارفين الخير اللي بيعمله تامر»
