أكد أنس أسامة نجم نادي الزمالك أن نادي الاتحاد السكندري يستحق بطولة دوري السلة على المستوى الذي حققه الفريق طوال الموسم.
وقال أنس أسامة في تصريحات لبرنامج الماتش الذي يقدمه الإعلامي هاني حتحوت عبر شاشة صدى البلد "نادي الاتحاد يستحق اللقب هو كمان، قدموا موسم كبير ولم يخسروا سوا مباراة أو إثنين فقط طوال الموسم".
وتابع: "حرصت على مساندة لاعبي الاتحاد بعد الخسارة، احنا لعيبة حبايب وزملاء في المنتخب، حاولت اوصل رسالة ان أهم حاجة اننا اصحاب، في فرق بين شخصيات في لعيبة معديتش الخسارة بسرعة".
وواصل: "إسماعيل أحمد يستحق جائزة أفضل لاعب في البطولة، ممكن لما يبقى عندي 45 سنة مبقاش قادر اتحرك أصلًا، لما لاعب يكون عنده الإمكانيات دي وبيأدي بالشكل ده في الملعب وبيجري بالشكل ده وياخد مدة طويلة في كل مباراة بعد سيزون طويل، تعرف انه شخص بذل مجهود طول حياته مش مجهود سنة، أنا بحترم اسماعيل احمد جدًا".
