رشح الروائي هشام الخشن الفنان محمود حميدة لأداء إحدى شخصيات فيلم مأخوذ عن روايته "شلة ليبون"، من إخراج ساندرا نشأت، وسيناريو تامر حبيب.
ورد هشام الخشن، خلال لقاءه مع برنامج ET بالعربي، على سؤال اقتراحه أسماء الممثلين في الفيلم، قال: "في شخصية واحدة، مش من السبعة، اللي أنا شايف مين يعملها، شخصية « يسري » أبو أحد الأبطال ومات سنة 1978، بس بداية الرواية عنده، وأنا شايف اللي هيبقى عظيم في هذا الدور هو الأستاذ محمود حميدة فقط لا غير".
وعن العروض التي تلقاها لتحويل الرواية إلى فيلم، قال: "الحقيقة الحمد الله كان في أكثر من عرض في وقت واحد، وكان في عروض لتحويلها لمسلسلات على منصات جديدة، بس أنا أخذت وقتي، لأن الأستاذ نجيب محفوظ كان له مقولة مشهورة، إن هو مسؤول عن الرواية، ولما تتاخد للسينما اللي بيحولها هو المسؤول عنها، وأنا الحقيقة استدليت بدي بس خدتها خطوة تانية، زي ما تيجي تودي ابنك أو بنتك مدرسة بتتحرى عن المدرسة، عاوز توديه أحسن مدرسة، وفي الحقيقة فريق العمل اللي إحنا وصلناله هو اللي شجعني."
