تكتب وزارة التضامن الاجتماعي، قصص لأبطالها على مدار أيام شهر رمضان، تلقي فيها الضوء على نماذج مشرفة من الشباب والفتيات تحت عنوان سفير التضامن.
اقرأ أيضا:- «الاختيار 2» تعرض محاولة اغتيال وزير الداخلية محمد إبراهيم
ياسر أحد أعضاء فريق كورال أطفال مصر وبطل حلقة اليوم من سفير التضامن.. يقول: الهدف علشان تحققه لازم تصدقه وتصدق إنك تقدر وتنوي إنك مش هترجع عن طريقك مهما كان الصعب.
وأضاف: حبى للغناء بدأ من صغرى .. كان عندي حلم.. كنت دايما بشوف نفسي وأقف على خشبة المسرح بغني وكل الناس بتسمعني.. وفعلا حلمي اتحقق مع وزارة التضامن الاجتماعي.. جالي الفرصة إني أغني مع أوركسترا "كورال أطفال مصر" تحت قيادة المايسترو الكبير سليم سحاب.. الكورال أسسته وزارة التضامن الاجتماعي عام ٢٠١٤ بفكرة ملهمة من المايسترو سليم سحاب.. بإنشاء كورال من أبناء دور الرعاية التابعة للوزارة.
تابع: المايسترو صدق موهبتي وآمن بحلمي.. وأثّر كتير على شخصيتي.. بفرح لما ألاقي الناس بتسمعني في الحفلات وبتسقفلي وبيقولولي بنستنى الحفلات دي عشان نسمع صوتك.
وأضاف: أنا كمان بحب التمثيل جدا.. شاركت في عروض مسرحية كتيرة أهمهم بالنسبالي كان شكوكو فى أوبريت "ليلى مراد".
واختتم: دلوقتي أنا تخرجت من معهد "الموسيقى" ومكمل في حلمي إني أكون فنان كبير وصوتي يوصل لكل الناس.
https://www.facebook.com/
