صفعة حقيقية لـ هيدي كرم من أحمد زاهر.. والأخير يعتذر: «كلمة آه قطعتني»

الفنان أحمد زاهر
الفنان أحمد زاهر

أعرب الفنان أحمد زاهر، عن سعادته بردود الأفعال على دوره في مسلسل «لؤلؤ» الذي يجسد فيه شخصية طارق نصار، قائلا: "الدور جاي مع السيدات جداً ورغم أن طارق شخصية بها عيوب لكن مافيش إنسان طيب طول الوقت ولا شرير طول الوقت ممكن أكون كويس مع حد ووحش مع حد تاني".

وأضاف أحمد زاهر، في لقاء عبر برنامج «كلمة أخيرة»، على شاشة «ON»: «شخصية طارق مش شريرة ولا خبيثة، بس هو رجل عملي بيزنس مان، تربى في عائلة أرستقراطية».

وحول عنفه مع السيدات ومدى كونها حقيقية، قال: «السيناريو عايز كده بس الضرب في المسلسل مرتين كان بجد وبقية المرات كان تكنيك مش حقيقي، الصفعة الحقيقية كانت نجلاء بدر في الحلقة الأولى وهيدي كرم كانت حقيقية».

ووجه أحمد زاهر اعتذرًا للفنانة هيدي كرم عن الصفعة، قائلاً: «عاوز اعتذر لها جداً هي طلبت تكون الصفعة حقيقية ولما ضربتها الآه اللي طلعت منها في المشهد قطعتني من جوه، ووشها ورم بعد الصفعة، بعد كده أستاذ محمد سامي قال بلاش ضرب بشكل حقيقي".

وأكمل: «لو أنا مكانها هاخد القلم بشكل حقيقي لأن الضرب الحقيقي بيطلع إحساس كبير عشان الوجع بيخلي ريأكشن الممثل صادق وحقيقي، وأنا بضرب في المشهد ببقى متضايق جداً».