كتبت: دينا درويش
تتذكر كل أم اللحظات والشهور الأولى في حياة أطفالها، وتحرص بعض الأمهات علي التقاط صور دورية للأطفال منذ الميلاد لتخلد التفاصيل الصغيرة في حياتهم والتي تظل في ذاكرة الأمهات للأبد وكأنها حدثت بالأمس فقط.
ميادة جاد شابة مصرية استطاعت أن تقدم لكل أم مصرية هدية وهي أن تصنع بصمة قدم ويد للمواليد لتحتفظ بها 
الأم وتظل معها للأبد وكأنها أمامها تستطيع لمسها وتذكر كل مشاعرها في ذلك الوقت.
تتحدث ميادة عن تجربتها: «تخرجت في كلية طب أسنان قصر العيني، وفكرة عمل بصمة ليد ورجل المواليد جات لي قبل ما أتخرج لأني كنت حاسة إني محتاجة أعمل حاجة بجانب دراستي ومختلفة في نفس الوقت، فكنت بأشوف فيديوهات لفكرة الـBabyCasting أو بصمة الإيد والرجل للمواليد ودورت لقيت إنها مش موجودة في مصر».
وهنا بدأت طبيبة الأسنان إدخال الخدمة إلى مصر.. «لقيتهم بيستخدموا نفس المواد اللي إحنا درسناها في طب الأسنان وقولت أجرب يمكن تنجح ويمكن لا وبالفعل جربت على رجل ابن أختي وطلع شكلها حلو».
اقرأ أيضًا| «بنتين من مصر» مروة ومنة تبيعان السعادة علي كوبري ستانلي
وتكمل ميادة: «فكرة الـBabyCasting ببساطة هي أننا بنعمل تمثال ليد ورجل المولود أو العائلة مع بعض ويكون نفس الشكل بالظبط عشان يسيب ذكرى جميلة وحلوة، ودا بيتم من خلال إننا بنحط الإيد والرجل في مادة اسمها alginate تعمل قالب نفس الشكل والقالب دا بنصب فيه جبس ونسيبه ينشف، ويطلع في الآخر الشكل النهائي اللي إحنا بنلونه ونبروزه ونعلقه على الحيطة عشان يسيب ذكرى ومعنى كبير».
وتضيف ميادة جاد صاحبة فكرة بصمة القدم واليد للمواليد أنها علمت نفسها بنفسها،واطلعت علي العديد من المواقع الأجنبية التي تشرح تفاصيل الموضوع وشاهدت العديد من الفيديو الأجنبي لتتمكن من صناعة البصمة، أما عن المواد المستخدمة فهي ذاتها التي كانت تستخدمها في عيادة الأسنان، وقامت بتجربة العديد من التقنيات ليكون شكل البصمة جميل وبدأت تطور من ذاتها وتستعين بالعديد من الورش ليكون شكل بصمة يد وأرجل المواليد ملونة ودائمة.
وتحكي: «أي حاجة في أولها لازم بتكون صعبة جدا طبعا، وكان في صعوبة إني اطلع شكل نهائي حلو ويتعلق 
على الحيطة مش مجرد بصمة أو الـcast وخلاص، بدأت أدور على تصنيع وشراء براويز قيمة غير التلوين اللي بقى يتم في ورشة علي إيد متخصصين».
اقرأ أيضًا| المحارب الصغير.. اتهمته أسرته بالشعوذة وتركته في الشارع ليموت
أما الصعوبة الثانية بالنسبة لميادة فكانت كيف تدخل مثل هذه الخدمة إلى السوق المصرية لأول مرة، قائلة: «كنت قلقانة جدا من ردود الأفعال ودا اللي خلاني أعمل صفحة على فيسبوك وإنستجرام عشان ابدأ اعرض فكرتي وأشوف ردود الأفعال، والحمد لله كان معظمها إيجابي وكنت بأقدر أتواصل مع الناس على أي استفسار عندهم بخصوص الفكرة وإزاي بتتم».
أما المادة المستخدمة في تنفيذ بصمة القدم واليد للمواليد فهي alginate وهي مادة آمنة تماما على الأطفال وعلى الجلد الخاص بهم، وذلك تم توثيقه في العديد من الأبحاث الطبية ولا يقع منها أي ضرر نهائي علي الطفل».
