أحمد بائع الليمون: «كان نفسي أروح المدرسة.. وبعتبر أبويا وأمي ميتين»

الإعلامى عمرو الليثى
الإعلامى عمرو الليثى

وجه الإعلامى عمرو الليثى، خلال لقائه ببرنامج "واحد من الناس" المذاع على قناة الحياة، سؤال لطفل الليمون قائلاً :"  تعرف محمد صلاح لاعب فريق ليفربول الإنجليزي ومنتخب مصر، ويرد الطفل: "معرفهوش وأنا أهلاوي وفرحت لما كسب النادي الأهلي أبطال أفريقيا".

اقرأ أيضاً .. الداخلية: ما جاء في فيديو «طفل الليمون» غير صحيح.. ووالداه أحياء

وأضاف "طفل الليمون": " كان نفسى اروح المدرسة وأطلع دكتور، بس الظروف منعتني، واحب ستى جدا وهى ام امى، ولا اعرف صور لابويا وامى ومش عايز اشوف امي لأنها تركتني ولا تسال عليا وعاوز أشوف أبويا بس.. ومش بعرف أى فنان وبتفرج وخلاص.. وبرفض الفلوس من أى حد ومش باخد من أى حد حاجة.. ولو واحد ادانى فلوس برد ليه الفلوس.. وعندي عزت النفس من ستى".

وتابع : "ستى علمتنى مخدش حاجة من حد..  وقالتى إن أبويا وأمى ماتوا فى حادثة ولما عرفت أنهم عايشيين مقولتش لستى حاجة.. لأن هما كدة ميتين وكدة ميتين".

وأشار "أحمد " إلى أنه يدفع 400 جنيه إيجار الشقة: "اختارت بيع الليمون لانه بيكسب والحمد لله واقوم بسدد تمن الليمون واحصل على المكسب ولا احصل اى اموال بدون وجه حق". 

وأوضح " طفل الليمون" : "مش عايز اى حاجة من حد ولا اتسول، واحب لعب الكورة فى الشارع".  

وقال الإعلامى عمرو لليثى: "إن سيدة قررت إعطاء طفل الليمون شقة هدية فى القاهرة وتصرف عليه من اليوم حتى تخرجه من الجامعة..  ووافق طفل الليمون".