بين الحياة والموت ترقد الطفلة «فرح» صاحبة الـ10 سنوات في مستشفى المطرية، بعد أن هشم رأسها الأسانسير، مما أدى الى عصر خلايا المخ وفقدان وعي بصورة مستمرة، وسط حسرة أسرتها مما تمر به الطفلة من عذاب مستمر نتيجة إصابتها البالغة.
«دموع لاتتوقف»
يقول والد الطفلة، خلال حديثه مع «بوابة أخبار اليوم» ودموعه لاتتوقف: "بنتي كان كويسة وبخير حتى حدوث الوقعة، إحنا لسه ساكنين في العمارة من أيام بسيطة في منطقة الخصوص، وكانت الحيطة إللي بطل على الأسانسير مش موجودة في الأصل يعني ممكن أي حد يشوف الأسانسير وهو طالع وهو نازل، وهي طفلة مدت راسها وبتنادي على أختها الأسانسير أخدها ونزل، وفضلت أكتر من ساعة راسها محشورة بين الأسانسير والحيطة".
«فرح تصارع الموت»
استكمل والد، الطفلة حديثه: "طلعوها كان المخ كله طلع بره لموه تاني وخيطوا عليه، والدكاترة بيقولوا عندها ضمور في المخ وفاقده الوعي، ودلوقتي عايزين يطلعوها من المستشفى ووضعوها في الطرقة مفيش مستشفي راضية تقبلها خالص".
«استغاثة عاجلة»
ناشد أسرة الطفلة «فرح» رئيس الوزراء، ووزيرة الصحة، بالتدخل لانقاذها بعد أن ضاقت بهم السبل وهم يشاهدونها تموت في كل لحظة.
