قدم أحمد حسام ميدو لاعب الزمالك ومنتخب مصر السابق، اعتذاره عن الفيديو الذى تم تسريبه أمس لرباعي ستوديو تحليل مباراة مصر والبرتغال، والتى انتهت بفوز المنتخب البرتغالي على الفراعنة، بهدفين لهدف في الدقائق الأخيرة من عمر اللقاء.
ونشر ميدو عبر حسابه الشخصي بموقع التدوينات الصغيرة تويتر: "امبارح اتسرب فيديو واحنا قاعدين في الفاصل بنعتذر طبعا لكل الناس على كل لفظ خارج فيه.. وإن شاء الله هنجيب الخائن للأمانة فى أسرع وقت ممكن ..أكيد مش ذنب أى حد أنه يسمع الألفاظ دى!!.
وأضاف ميدو: "أما عن الشباب اللي عايشه الدور ومصدومين من الألفاظ وكده، وكانوا فاكرين ان احنا واحنا بنتكلم مع بعض بنبيع سبح وفوانيس، فبقولهم معلش ما تتخضوش ميدو عمره ما عمل نفسه ملاك، ولا عايز الناس تفتكره ملاك!! ".
واختتم العالمي تدويناته: "كلنا واحنا بيننا وبين بعض بنهزر وبنضحك، وأكيد لو أى حد سجل ليك انت وصحابك فى كلام أكتر من كده ممكن يطلع.. مره تانيه باوعدكم هنجيب اللي سرب الفيديو ومش هنسيبه!! صباح الفل عليكم جميعا!!".
