يتساءل العديد من البنات المحجبات افضل الملابس الذين يرتدوها خلال ذهابهم للجيم، لانهم دايما يبحثون على ملابس واسعة ومريحة في التمرين وفى نفس الوقت يكون شكله حلو وشيك.
تستعرض "بوابة أخبار اليوم" نصائح وأفكارملابس الجيم للمحجبات ...
النصيحة الأولى:
اختارى دايما الـ sweat pants و الـ sweat shirt اللى يمشي معاه بأى الوان تحبيها مع الشوز المناسب وبكده بقيتيى جاهزة.
النصيحة الثانية:
حاولى تلبسي sports wear بألوان فاتحة ومريحة للعين علشان تساعد جسمك انه يتخلص من درجات الحرارة العالية اللى بيكتسبها بسبب التمرين بسهولة، وبكده ماتبقيش حرانة او حاسة بجفاف واجهاد زيادة بسبب التمرين.
النصيحة الثالثة:
مهم انك ماتلبسيش طبقات كتيرة فوق بعضها خصوصا فى ايام الصيف والحر.
النصيحة الرابعة:
حاولى تلفى طرحتك لفة بسيطة ومريحة مش مشدودة علشان ماتضايقكيش وانتى بتتمرنى، فى الالبوم الموجود فى المقال ده هتشوفى معانا اكتر من لفة طرحة مريحة ممكن تجربيهم وتختارى منهم اللى يناسبك.
ادوات يجب أخذها معكي فى الجيم
– فوطة صغيرة.
– ازازة مياة.
– سماعات التليفون.
– شاحن الموبايل.
– وطبعا طقم تانى جاهز علشان تغيرى هدوم التمرين قبل ما تروحى.
