تحدث الفنان أحمد جلال عبد القوي، عن الفترة التي أدمن فيها المخدرات، وما حدث له خلال هذه الفترة.
وقال أحمد جلال، خلال تصريحات تلفزيونية : "أنا عملت عملية في ضهري ركبت 3 فقرات، وهي كانت عملية كبيرة، وأنا بعمل العملية كنت ماضي على إقرار إن ممكن ممشيش تاني على رجلي، لما عملت العملية كان في أدوية مسكنة باخدها هي "مخدر" ودا كان العلاج الوحيد اللي ينفع".
اقرأ أيضًا | غادة عبد الرازق تقدم الكوميديا لأول مرة في فيلم «تاني تاني»
وتابع أحمد جلال: "بقى عندي إساءة استخدام ليها، بعد ما كان العلاج المفروض يقف أنا موقفتش، خلاص الألم راح لكن بسبب الشعور بالسعادة والنشوة، بقى إدمان".
وأستكمل: "قعدت 4 سنين، فترة علاجي استمرت سنة وشهرين لكن بعد كدا بقى سلوك إدماني، في الفترة دي كان أي دور بيجيلي وهاخد منه فلوس كنت بعمله بس مش في مصر، قلت بلاش اشتغل في مصر عشان محرقش نفسي، اشتغلت في لبنان عملت مسلسلين وعملت مسلسل في الأردن، اشتغلت في مسلسل كويتي كان فيه مصريين، الكوايتة اللغة بتاعتهم صعبة، أنا مكنتش ببقى فاهم بيقولوا إيه لكن رحت عشان الفلوس، كنت في الفترة دي مش عايز حد حواليا كنت منعزل وقاعد في فندق".
واختتم: "وقتها كنت حاسس إني سعيد، ودا اللي كان بيخلي فيه استمرارية في الإدمان، بحس إني سعيد ومعنديش مشاكل، لكن اصحى تاني يوم المشاكل بتتراكم".
