كشف السيناريست مدحت العدل، تفاصيل تعاونه الجديد مع الفنانة شريهان، وذلك بعد النجاح الكبير الذي حققه برفقتها في مسرحية كوكو شانيل، بجانب الحديث عن الفنان محمد هنيدي.
وقال مدحت العدل، في تصريحات تلفزيونية: الأستاذة شريهان ملهمة ونجمة كبيرة ولما بقعد أشتغل وشيريهان البطلة هي اللي بتلهمني وأنا بكتب، وهي خارج المنافسة مينفعش أكتب عمل ليها وأقول هننزله في رمضان.. ولما تعمل عمل يبقى لازم تكون هي البطلة.
وتابع مدحت العدل: أنا شايفها في حاجة تاريخية فيها تألق شريهان، فيها تمثيل وغناء واستعراض وسحر، كأنك بتستدعي سحر الماضي وشريهان بتقدمه، وإحنا بنوضب للمشروع ده وهي متحمسة جدًا ولكن هياخد وقت، وربنا يدينا العمر والقوة علشان نقدمه بأفضل صورة للجمهور.
أما عن الفنان محمد هنيدي، فأوضح مدحت العدل، أن الفنان ليس مطالبًا أن يكون دائمًا ناجح، قائلًا: هنيدي ما زال الشخص الموهوب الجميل والطفل، وليس مطلوبًا من كل فنان مهما علا شأنه تكون كل أفلامه ناجحة، طبيعة الحياة إن فيها فوق وتحت.
وأضاف مدحت العدل: لو بصينا للدنيا من هذا المنطلق كنت بعد صعيدي في الجامعة الأمريكية مكتبتش، لإني مش هعرف أعمل زي نجاح صعيدي، هل أبطل كتابة ولا أعمل همام وينجح، والمهم هل أنت بتعمل اللي عليك وتتعب؟ والتوفيق بتاع ربنا، وممكن تعمل عمل رائع ينزل في توقيت مينجحش.
اقرا ايضا | مدحت العدل يرد على مطالبات اعتزال يحيى الفخراني بعد «عتبات البهجة»
