حلت الفنانة فريدة سيف النصر ضيفة مع الإعلامية إنجي علي، في برنامجها «أسرار النجوم» المذاع على رايو نجوم إف إم.
وتحدثت خلال الحلقة عن مشوارها الفني ومشاركاتها في مسلسل العتاولة وذكرياتها مع نور الشريف وسمير غانم وبعض الفنانين الكبار.
وقالت الفنانة فريدة سيف النصر، عن مشاركتها في مسلسل العتاولة: "أتمنى النجاح لكل فريق عمل مسلسل العتاولة بجد اللي بيحب ربنا بيعرف المحبة وبيحب كل اللي خلقه ربنا والروح اللي حاطتها في أي جسد، ما دام جواكي رحمة يبقى جواكي حب، وأكيد ربنا هيبقى في ضهرك، وأنا بقعد أشكر ربنا وبتخض من الحب وبلاقي مظاهرات لشباب تحت البيت عاوزين يتصوروا معايا بعد ما عملت دور سترة، فأنا بقول لهم إني بحبهم رغم إني زعلانة لأني حبيت سترة وماتت للأسف
.
ووجهت الفنانة فريدة سيف النصر، الشكر لباسم سمرة لذكره لها في العديد من البرامج قائلة: "شكرا يا أستاذ باسم لأنك في كل الأماكن بتجيب سيرتي.
وقالت الفنانة فريدة سيف النصر، عن تقديمها لدور سترة في مسلسل العتاولة: «أنا مش حاسة إني عاملة أفضل ما عندي في الدور ده ما كانش عندي فرصة لكده لأن كان فيه كاست كبير جدا من الممثلين الكبار، فأنا كنت بعافر إني أعمل شغلي صح وأنا كنت وقتها سترة بجد مش فريدة».
وكشفت الفنانة فريدة سيف النصر، خلال لقائها تنبؤ نور الشريف لها بمستقبل كبير في التمثيل قائلة: «نور الشريف أستاذي كان بيقول لي هتبقي ممثلة كبيرة جدا أقول له ليه يقول لي علشان عينيكي، وإن فيه ممثل عينيه بتبقى زي السمكة ده ما تاخديش منه أي تعبيرات، والصوت كمان عامل مهم جدا مع الثبات الانفعالي في التمثيل».
وتحدثت الفنانة فريدة سيف النصر عن ذكرياتها مع الفنانين الكبار خلال لقائها قائلة: «اشتغلت مسرح وسينما مع الراحل سمير غانم، أنا كنت بحب الرقص والغنا جدا فهو كان مسميني فريدة سيف الرقص، وهو كان مرحلة من حياتي هو ودلال عبد العزيز وكنا شلة مع بعض وعائلات مع بعض وفيه حب كبير بينا».
