كشفت الفنانة بوسي تفاصيل غدر "شغالة" لديها، رغم ما قدمته إليها من معروفة، لدرجة أنها قالت لزوجها هشام ربيع أنها أختها.
وخلال الجزء الثاني من لقاءها "مع العرافة"، والذي يذاع على شاشة المحور والنهار، وتقدمه الإعلامية بسمة وهبة، تابعت "بوسي": "الشغالة حطتلي حباية منوم في الأكل في شهر رمضان.. واكنشفت ده وأنا بشيك على السفرة.. وكنت بنام نوم مش طبيعي رغم إن نومي ضعيف".
وأكملت "بوسي": "الشغالة بتاعتي كانت بتلبس اللبس بتاعي وتحط من الميك آب ورغم كده غدرت بيا".
وعن سبب حضور الفنان محمود الليثي لفرحها، قالت: "الليثي أول واحد عارف فرحي وميعاده.. وكونه إنه مجاش، فدي حاجه ترجعله والله أعلم بظروفه.. لكن الليثي أخويا وحبيبي".
وأكملت: "كنت في فرح في بلبيس وعاملة اتسيدج وواحد طلع ويرقص معايا وماسك السنجة وهيشيل عيني.. فطلبت يوقفوا المزيكا.. قالي لو وقفت المزيكا هزعلك.. ساعتها الولد اللي شغال معايا خدني وجري.. وبعدها تم التحفظ على الفرقة".
وحكت قصة وجود سحر في أوضة نومها، حيث قالت "بوسي": "لقيت برطمان فوق الدولاب معمولي عمل فيه على جلدة غزالة.. وواجهته بيه.. قالي دي أختي شافت الدنيا متوترة بينا فقالت تعمل حاجة تحفظنا"، مختتمة: "قولتله لا أختك ولا أي حد من أهلك يدخل عليا".
