قال المطرب على الألفي إنه تعرض لانفجار كبير لبوتاجاز منزله.
وكتب الألفي عبر صفحته على Facebook: "واضح إني ما حبيتش أقلق الناس إمبارح فقلقتهم زيادة.. ملخص اللي حصل معايا إمبارح إن فرن البوتاجاز انطفى وفضل الغاز شغال وأنا ما أخدتش بالي ورحت مولع عود كبريت ودخلت إيدي جوه الفرن، حصل انفجار مكتوم وكرة نار".
وأضاف: "الغاز هب فيا لدرجة إنه من لطف ربنا إنه حتى شعر رموشي وحواجبي ودقني اتحرق، وطبعا إيدي اللي كانت جوه الفرن.. صوابعي اتلسعت خفيف.. كل ده في ثانية واحدة".
وتابع على الألفي: "ربنا كان لطيف ورحيم ووراني بعيني إزاي النار ممكن تقرب من وشك بس هو يحرسك برحمته.. بشكر كل اللي سألوا، أنا سليم، والبيت الحمد لله سليم، بس نفسيا بتعامل مع الموضوع".
وطرح الفنان على الألفي أغنية جديدة بعنوان "يا روح الروح"، الشهر الماضي، إهداء للطفلة الشهيدة ريم، التي استشهدت في قصف للعدوان الإسرائيلي، وانتشر فيديو لجدها وهو يودعها مرددًا "روح الروح".
