كشفت الفنانة فدوى عابد عن تفاصيل وسر ارتدائها الحجاب لمدة شهر واحد وبعدها قررت الاستغناء عنه، من خلال استضافتها في برنامج "الستات"، المذاع عبر شاشة النهار.
وقالت فدوى عابد خلال حوارها مع الإعلاميتين مفيدة شيحة وسهير جودة في برنامج "الستات": "أنا اتحجبت شهر وكانت تجربة في أيام الجامعة، لأني كنت غضبانة وكنت بقول يمكن أنا اللي غلطانة أن الرجالة بتبص لي بشكل معين، فقررت هلبس واسع وطويل يمكن ساعتها ما يشفونيش، فقررت ألبسه كنوع من الحماية لحد ما كنت في الجامعة في عز الظهر في رمضان وكنت واقفة جنب كشك كلنا بنقف فيه، وواحد معدي مد إيده روحت قعدت في البيت أسبوع وبعدين قررت أني أخلعه وعرفت أن مش بيحوق فيهم".
وأضافت فدوى عابد : "أنا كنت لابساه عن غير اقتناع لمجرد حماية، ولما خلعته قلت خلاص هشوف طريق تاني زي العنف، والموقف ده خلاني طول الوقت اقرأ الراجل أسرع ومش سهل اللي قدامي يتعدى حدوده معايا أو يتحرش بيا، وهما بيصطادوا اللي هيتحرشوا بيهم وبيكونوا عارفين اللي هيسكتوا".
وكانت فدوى عابد، أعربت عن سعادتها بالنجاح الذي حققته من خلال دورها في مسلسل "صوت وصورة".
وقالت فدوى عابد، في تصريحات صحفية، "أنا سعيدة إن الناس بتشتمني وهذا معناه إن الشخصية اتعملت صح، ومضايقتش في تعليقات الجهوره وأرى أن غضب الجمهور من شخصية "سعاد" يستحق".
وكشفت فدوى عابد، سر نجاح المسلسل رغم عرضه خارج الموسم الرمضاني، مشيرة ان النجاح حدث بسبب المجهود الكبير الذي بذله فريق العمل، وأضاف عابد، أن أصعب مشاهدها كانت مع الفنان وليد فواز، وحدثت كيميا بينهما.
