كشفت الفنانة منى هلا وقوعها في العديد من الخيارات الخاطئة ، مشيرة إلى الجميع لديه اختيارات غلط"
واشارت منى في لقاء فيديو مع الاعلامية سهير جودة عبر صفحتها الرسمية على فيسبوك، "انا شخصية عملية مش عاطفية وبختار بالعقل، وحبيت مرتين فقط طول حياتي، واتجوزت شخص مش مصري وأعلن إسلامه ومن مميزاته انه طيب جدا وكريم ودي اهم حاجة وكمان هو صادق".
وتابعت " القراءة تعطي للانسان نظرة أعمق لكل من حوله، وتعطي لكل شخص مبرراته لعدم وجود حكم اخلاقي على ما يحدث حوله، وهذا الامر له علاقة بالتمثيل ايضا فالممثل لا ينبغي ان يكون لديه حكم اخلاقي على الشخصية التي يلعبها، مؤكدة: "الوحيدة الله يرحمها احسن ممثلة خلقت على سطح الكرة الارضية سعاد حسني عمر ما كان عندها حكم اخلاقي على اي شخصية هي بتلعبها ولذلك مفيش منها في العالم كله وهي اعظم ممثلة".
مني هلا ترفض الانجاب
وعن الإنجاب تحدث منى هلا قائلة: " انا عندي قناعة اني مش عايزة اخلف، وجوزي هو كمان مش عايز يخلف، وكلنا شايفين اللي بيحصل في العالم، اجيب ليه انا عيال يشوفوا حروب ومجاعات وكوارث طبيعية، بجد مش شايفالها اي لازمة، وانا مش من اولوياتي يبقى عندي اطفال، ولو شعرت في وقت ما ان لدي رغبة في وجود طفل في حياتي ممكن اتبنى طفل".
