كشفت الاعلامية مفيدة شيحة، عن رأيها في علاقة الحب بين طرفين، مؤكدة أن الحب الحقيقي له صفات أساسية لابد من توافرها حتى يكون حقيقي.
وأضافت مفيدة شيحة، في برنامجها الستات، المذاع عبر قناة النهار وان، مساء اليوم السبت، أن :"الحب الحقيقي بيجي بعد خناقات وغياب ومصلحة، والبنات مبقوش سهلين زي زمان وبقوا قادرين يعرفوا الراجل مناسب أم غير مناسب.
وتابعت مفيدة شيحة، أن البنات لديهن كل الجراءة وترفض الشخص التي تراه غير مناسب لها، والبني آدم اللي ماشترنيش وعمل كل حاجة علشان لا يستحق حبي".
إقرأ أيضا|مفيدة شيحة: «من حقي أنزل اللي يناسبني ومش من حقك تهاجميني»
كما خصصت الاعلامية مفيدة شيحة، في برنامجها الستات، المذاع عبر قناة النهار وان، مساء اليوم السبت، عن حجج الهروب من اي علاقة!، حملت عنوان :"تستاهلي حد أحسن مني.. خطة جاهزة للهروب من الارتباط"، قائلة :"يلا مع السلامة".
وخلال الفقرة قالت مفيدة شيحة، إن :"البنات عندها فزاعة اسمها الفريند زون!، وكلمة بحبك زي اخويا..!، وإحنا أكتر من أصحاب.. احنا اخوات!، والجمل دي عند البنات مش للهروب أبداً.. لكن من الاول بتحدد العلاقة في مساحة الصداقة و الأخوة.. و معناها انها مش معجبة بيه كراجل.. مش جذاب ليها كزوج محتمل.. فبيفضل محصور في خانة الصداقة! ".
وأضافت مفيدة شيحة، أن :"رغم أنها مش معجبة بيه كراجل و شايفه انه معجب بيها الا انها بتقرر تحتفظ بيه في شكل مجمد و هو الصداقة، وهو بيحبها و بيظهر دا طول الوقت و هي تستقبل كل حبه وترجمه انه اخوه و صداقة، و دا منتهي الاستغلال و الابتزاز".
وتابعت مفيدة شيحة، أن استخدام لعاطفة انسان في مقابل الشعور بالمحبة او الأمان و أحيانا الاستغلال المادي.. و بتعمل صدمات ربما لا يشفى منها الشخص طول حياته! و أصبح خطر جداً.
وأكملت مفيدة شيحة، أن مؤخراً ظهرت حالات عنف ضد البنات في الجامعة لما استغلوا عاطفة زميل لهم في الاستفادة و المذاكرة..!.
