شاركت الفنانة حنان ترك، جمهورها متابعيها، مقطع فيديو جديد لها، وذلك عبر حسابها الرسمى على موقع التواصل الاجتماعى "إنستجرام".
وظهرت حنان ترك في الفيديو وهي تصنع الخبز مع عائلتها في منزلها، وتفاعل معها عدد كبير متابعيها متمنيين لها السعادة مع عائلتها.
ومن ناحية أخرى نشرت الفنانة المعتزلة حنان ترك على حسابها الخاص بموقع التواصل الاجتماعي فيسبوك صورة جمعتها بزوجها رجل الأعمال محمود مالك، وجهت من خلالها رسالة إلى الأشخاص الذين يشعرون بالنشوة من التنمر على غيرهم.
وكتبت حنان معلقة على الصورة: "هترتبطي بواحد علشان فلوسه هتلاقي قلبه مفلس حُب.. وأنت هترتبط بواحدة علشان شكلها هتلاقي قلبها مليان قسوة، ساندوتش الفول بيشبع وترابيزة عليها أكل بـ1000 ج بتشبع .. وبطنك مش هتعرف الفرق".
وأضافت حنان: "لابس هدوم ماركة بتستر جسمك ولابس هدوم من السوق بتستر جسمك.. وجسمك مش هيحس بالفرق، راكب عربية موديل السنة هتقضيلك مشوارك والعربية القديمة برضو هتقضيلك مشوارك.. ورجلك ف الحالتين هترتاح".
وتابعت: "البيت الصغير بيسترك والقصر الكبير بيسترك.. وف الأول والآخر مش هناخد حاجة واحنا رايحين ع القبر".
واختتمت منشورها قائلة: كفاية اهتمام بالمظاهر وكفاية اهتمام بالشكل والفلوس وكفاية نقص وظلم بنطلعه ع الضعيف أو اللي شكله وحش أو اللي مُش معاه.. الشبع ف العين مش ف البطن والغنى ف النفس مش ف الجيب".
