توفيق عكاشة وجع دماغنا وطلع عين أبونا وبيضحك على الناس بكلام فاضى.. منذ سنوات وهو يحدثنا عن حروب الجيل الرابع والطابور الخامس، وعامل فيها هو اللى فاهم وباع أرضه هو وأمه علشان يوعينا ويحذرنا من ألاعيب اليهود وقادتهم.. ولأننا نعشق الكوميديا فقد كنا نتابعه لنضحك من طريقته وهو يصرخ: فاهمة يا ام ابراهيم؟! اصحى يا أبو حسين، ركز يا واد يا اسماعيل.. وطلع كله أونطه فى أونطه بعد أن اكتشفنا أن عكاشة بيزغط البط فى بلدهم ليأكله سفير اسرائيل؟ بعد أن دعاه عكاشة على العشاء فى صدمة كبرى لأم ابراهيم وأبو حسين وإسماعيل!.. لكن عكاشة نال عقابه واللى كله بط بط طلع عليه وز وز ونال عقابه فى البرلمان بعد أن قام أحد النواب بالنيابة عن الشعب وضربه بالجزمة!
