شغل زواج الفنان تامر عاشور، بال الكثيرين من رواد الفيسبوك، واتهموه بأنه السبب في انفصالهم وإنهاء علاقاتهم بسبب أغانيه التي دائما ما كانت تأخذ الطابع الحزين، قائلين: "فركشنا بسببك وأتجوزت أنت".
ونشر عمرو - أحد رواد فيسبوك - صورة لزفاف تامر عاشور، وكتب معلقا عليها: "يعني أنت بتغفلنا ومعيشنا في النكد ده كله ورايح تتجوز وبتضحك؟..يا راجل دنا لوحدي مفركش 6 مرات بسببك".
وكتبت ضحى خالد: "خسارة الليالي اللي بكيت فيها ع أغانيك وأنا مخلياك مثلي الأعلى في النكد وبقول وأنا جرحي يجي أيه جنب جراح الأستاذ تامر عاشور".
وقال ياسر عبد المنعم: "يظهر الناس اللي قالهم كلموها عنى من بعيد لبعيد عرفوها إني لسه بحبها طلعوا ولاد حلال ووصلوا الرسالة صح وصالحوهم على بعض جزاهم الله خير".
وأضافت نادين أحمد: "لا و تغفيلته الكبيرة بقى ينزلنا أغنيه محظوظ عشان أنا بعدت عنك و يروح هو إللى يجوز طب مين هينكد علينا بعد كده".
وقال سيد: "هي دي بقا اللي يكلموها عنك هي دي بقا اللي فاكر ليها أيام بتصبر بيها هي دي اللي زكرياتها كدابة .. ياسراج بيه".