أجاب الرئيس عبدالفتاح السيسي على السؤال الخاص بترشحه لفترة رئاسية جديدة، قائلا: "أنا مش هجاوب السؤال كده بصراحة، وهقول للمصريين إوعوا في انتخابات ما تنزلوش، وده يوم بيتحدد به مصير مصر، فأنتم ما تستكتروش على مصر في اليوم ده حتى لو هتقف 10 ساعات".
وتابع "السيسي" خلال اجابته على تساؤلات الشباب في جلسة "اسأل الرئيس"، بمؤتمر الشباب فى نسخته الرابعة والمنعقد بمدينة الإسكندرية: "لازم العالم كله يشوف المصريين إن إرادتنا بيدينا، وخلي بالكم إن الناس بتشوف وتحسب كويس، وهما بيقولوا إزاي المصريين متحملين الإجراءات دي، يبقى معناه فيه رصد أو تحليل".
ودعا السيسي المصريين إلى النزول للمشاركة في الانتخابات الرئاسية قائلا: "عشان تقولوا إحنا اللي جبنا ده، وعشان بعد ما تجيبوه ما تقولوش ده إحنا ما جبنهوش كلنا".
واستعان السيسي بالآية القرآنية: "قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَن تَشَاءُ وَتَنزِعُ الْمُلْكَ مِمَّن تَشَاءُ"، قائلًا في ختام حديثه: "ربنا يولي من يصلح، واللي كاتبه ربنا هيكون.
فيديو..السيسي عن الانتخابات الرئاسية المقبلة: "انزلوا حتى لو هتقفوا 10 ساعات"
