داليا البحيري تكشف سر خضوعها لعملية تجميل: صليت استخارة قبلها

كشفت الفنانة داليا البحيري أنها راضية عن نتيجة العملية التجميلية التي خضعت لها مؤخراً.

وقالت داليا البحيري خلال لقائها في برنامج "من ماسبيرو" مع مريم أمين: "مكانش في بالي خالص إني أعمل العملية دي أول مرة سمعت عن العملية كان من نجلاء بدر أنا مكنتش عارفة أنها عملتها وهي حكتلي عملت إيه، وأنا قلت في نفسي لو أدوني فلوس مش هعمل العملية دي".

وتابعت داليا البحيري: "رحت لدكتور البشرة بتاعي وكنت بقوله إني خاسه وتحت عيني مضايقني، أنا قلت هيقولي ناخد شوية بوتوكس، بس هو قالي مش بتفكري تعملي شد الوش، هو مش هيعملي العملية هو كان بينصحني لأنه ملوش مصلحة في إني أعمل العملية، بعدها رحت لدكتور تاني واتكلمت معاه وقعدت شهر عشان أخد القرار وقررت إني مش هعمل العملية".

وأكملت داليا البحيري: "بعدها رحت اتكلمت مع الدكتور تاني وأقنعني، كلمت جوزي وحكيتله وقالي أعملي استخارة، عملت استخارة ولقيت نفسي ماشية في إجراءات العملية، أنا طول عمري مش مع أي عملية تجميل تغير شكل البني آدم، أنا قلت للدكتور مش عايزة اتغير عايزة أفضل داليا بس نرجع شوية بالوقت، أنا سعيدة بشكلي والناس عارفاني كده ونجحت كده".

واختتمت حديثها بالتأكيد على أن هدفها الأساسي هو الحفاظ على الملامح الطبيعية دون تغيير جذري، والتركيز على تحسين الشكل بشكل متوازن يحافظ على الهوية الشخصية.

أحدث أعمال داليا البحيري 

ويذكر أن، تشارك الفنانة داليا البحيري في مسلسل "بدون مقابل" التي من المقرر عرضة في الموسم الرمضاني المقبل 2026، وهو من بطولة كل من هاني رمزي، عمرو عبد الجليل، وفاء عامر، نسرين طافش، هبة عبدالعزيز. والعمل من إخراج جمال عبدالحميد، وتأليف حسام موسى.