بشرى تنتقد جدل «الأعلى مشاهدة»: الشارع هو الفيّصل

علقت الفنانة بشرى على جدل «الأعلى مشاهدة»، وحسمت التساؤلات بشأن وجود عداوات لها بالوسط الفني.

قالت بشرى في لقائها ببرنامج سبوت لايت المذاع على قناة صدى البلد: «إحنا معندناش آلية لتقييم حقيقي وأمين للمشاهدات كل منصة بتطلع بالأرقام الخاصة بها حقها، ولكن ده مش معناه أنها الأعلى مشاهدة على جميع المنصات وفيه منصات مضروبة كمان الناس مبتحسبهاش في الإحصائيات».

وتابعت: «من حق كل فنان يفرح ويحتفل على المنصة بتاعته وكل منصة تحتفل، ولكن لا يجوز التعميم عشان نكون موضوعيين، حتى تُخترع آلية أمينة وموثوق بها بدون محسوبيات، وفي النهاية الشارع هو الفيّصل، وهتشوف نجاحك في تشجيع الناس وحبهم ليك».

وقالت عن محمد رمضان: «بحبه جدًا وحضرت له حفلة قريب وإحنا أصدقاء وبالمناسبة معنديش عداوة مع أي حد في مشواري ورغم أن النفوس البشرية صعب تعرف مين يكن لك إيه، لكن أنا بحب كل الناس».