أكد الفنان فتوح أحمد حرصه على قراءة القرآن بشكل مستمر، مشيرًا إلى مشاركته في جروب لقراءة القرآن الكريم، موضحًا أنه يحرص على ختمه بشكل مستمر.
اقرأ أيضًا | "ربنا عوضني".. فتوح أحمد يروي حكاية الألم والفرحة في لحظة واحدة
وقال الفنان فتوح أحمد خلال مقابلة تليفزيونية في برنامج "تفاصيل" مع الإعلامية نهال طايل المذاع على قناة صدى البلد 2: في رمضان بحاول أختم القرآن مرة، إلى أنه من سنتين أو من 3 سنين مات صديقنا، عملنا جروب اسمه أحباب في الله بنقرأ قرآن على روحه، وبعدين على روح أمواتنا، فبقت المسألة بنقرأ أسبوعيًا بنختم مرة، ودلوقتي وصلنا أننا بنختم في الأسبوع 5 مرات، وفي رمضان كنا بنختم 7 مرات، في تسابق بينا، فكل واحد بقى كل واحد ومقدرته يعني اللي يقرأ جزء اللي يقرأ جزأين في الأسبوع تلاتة كل واحد ومقدرته يعني، فدخلنا في السباق ده.
وأضاف: أنا في رمضان اللي فات، الأسبوع الأخير بس خاتم القرآن كله، الـ 3أسابيع اللي قبل كدا كان على الأقل في الأسبوع 15 جزءا مثلًا، يعني أنا كنت بخلص تصوير وأبقى برا والله العظيم أبقى عايز أرجع جري للبيت عشان أقرأ.
وتابع: وبعدين هي أما تتعودي المسألة كانت صعبة أوي الأول تقعدي تقرأي في الجزء، لما بنقرأ كتير بتلاقي المسألة فبنلاقي الدنيا سهلة وبنقرأ صح طبعًا بالتشكيل فبنلاقي القرآن بقى سلس بقى سهل، بقيت لسه قارئ الجزء الأسبوع اللي فات لسه قارئ السورة دي الأسبوع اللي فات فالدنيا عملت راحة نفسية وبعدين قراءة القرآن دي يعني حاجة حلوة أوي أوي وبيقولوا القرآن هيشفع لنا.
محمد حماقي يواصل حصد الأرقام القياسية.. أكثر من 15 مليون استماع
أروى جودة: زوجي بيخاف من الحسد.. وحلم الأمومة متروك لله عزوجل
نجوم الفن يقدمون واجب عزاء الراحله سهام جلال |صور
