محمد عبد المنصف: جوازتي الثانية شيء طبيعي.. وعائلتي تفهمت الموضوع

تحدث كابتن محمد عبد المنصف، حارس مرمى نادي الزمالك ومنتخب مصر السابق، لأول مرة عن أزمته الشخصية بعد إعلان الفنانة لقاء الخميسي انفصالهما بعد زواج دام 7 سنوات، في مفاجأة كبيرة للجمهور نظرًا لما هو معروف عنه سابقًا بأنه متزوج منها فقط، وجاءت تصريحات عبد المنصف خلال استضافته في برنامج "اللعيب

وقال محمد عبد المنصف: طالما أنت ارتضيت أنك شخصية عامة طبيعي الناس تتكلم عليك ويبقى في نقد أو مدح، أنا من ساعة ما بدأت حياتي مش بتكلم عن أسرتي ودايما بتكلم عن شغلي، الموقف دا خاص ملوش علاقة بشغلي ليه علاقة بحاجات أسرية، ممكن الناس تتكلم أه لكن في الآخر الحاجات دي مع العائلة".

وتابع: "عارف الخطأ كان في إيه وفي الآخر الموضوع عائلي إحنا بنقعد ونصارح بعض كأسرة، مش شايف أن الموضوع كان ممكن يكبر زي ما حصل موضوع عادي".

وعن أكثر الجمل التي قرأها على السوشيال ميديا قائلا: "حاجات بتتقال زي إني أنا الخاين والحاجات اللي ملهاش لازمة حسيت أن الناس مش فاهمة حاجة وبتتكلم وخلاص كل حد بيقول حاجة لازم يبص لنفسه الأول وخليك في عيلتك وأسرتك، الناس ساعات بتقول رأيها في حاجات هي متعرفهاش، لكن إحنا عيلة واحدة ومكنتش حابب حد يتكلم في الموضوع دا وعيلتي فهمت الموضوع".

اقرأ أيضا| بعد 8 سنوات بوزن زائد.. ما هو المرض الذي كان يعاني منه خالد الصاوي؟

وخلال الحلقة، وجه له مقدم البرنامج سؤالًا حول ما إذا كان شعر بأنه أخطأ، فأجاب عبد المنصف: "أنا عملت حاجة طبيعية ممكن أي بني آدم يعملها عادي مش مشهور وميبقاش عليه نقد ولا أي حاجة وتفهمت أنا بالنسبة ليا الأهم إزاي أحافظ على الأسرة والعائلة ودا اللي حصل والحمد لله أن الأمور عدت بخير".

وأختتم حديثه قائلا: "وأتمنى أن الناس تنسى الموضوع لأنه لو في خطأ إحنا كأسرة بنتكلم ونحل، والحمد لله الأمور تمام وبقدر أسرتي جدا والمواقف اللي حصلت ومفيش خلاف، في حاجات بتتفهم وتوصل غلط لكن أهم حاجة إني أنا مش بخاف من البني آدم وبفتح صدري قدام ربنا، لأ أنا بخاف من ربنا والبني آدم بالنسبة ليا شخص زيي ممكن أتكلم معاه وأصارحه عادي، من الناحية الدينية وتربيتنا دي حاجة طبيعية، لكن الجزء الشخصي دا فيه كلام تاني وأحنا بنتكلم فيها كحاجة أسرية".