أشاد المخرج رامي عادل إمام بإمكانيات مايا أشرف زكي في أول تجربة إخراجية لها موضحا جهدها واصرارها للوصول إلى هذه المرحلة بخوض تجربتها الأولى بإخراج مسلسل "حد أقصى"، المقرر طرحه في موسم رمضان 2026.
ونشر رامي عادل إمام صور جمعته مايا أشرف زكي في كواليس تصوير مسلسل "حد أقصى" أثناء زيارته المفاجأة لها عبر صفحته الشخصية على انستجرام وعلق قائلا:" النهارده بكتب كابشن مش متعود أكتبه، ومليان مشاعر مش عارف أوصفها".
وتابع رامي عادل إمام:" يمكن لأن أول مرة هقول بإحساس غريب كده إن فى حد طالع من «مدرستي» وأنه من «تلامذتي» وأنا اللى لسه بتعلم لحد دلوقتى" مضيفا كاشفا مسيرة مايا قائلاً: "البنت دى أنا حضرت وشوفت رحلتها خطوة خطوة إحساس صعب كبير".
واستكمل رامي عادل إمام معلنًا تفاصيل لقائهما الأول: "من 13 سنة مايا زكى كان عندها 17 سنة (طبعاً هى هتخنقنى علشان قولت سنها) كانت لسه طالبة فى أولى معهد سينما قسم اخراج ابوها أشرف زكي حبيب قلبى سلّمها لى وقال لي: "دى بنتك... من فضلك بهدلها معاك".
وتابع رامي عادل إمام: "ومن اللحظة دى شفت بنت صغيرة جدًا جدًا وهى بتكبر قدامى فى المجال.. بدأت معايا مساعدة صغيرة واتعلمت واجتهدت واترقّت... من مساعدة لمساعدة أولى وشالتنى كتييييييير".
وأضاف رامي عادل إمام: "لحد ما النهارده بقت مخرجة فى أول عمل ليها السنة دى، فى رمضان 2026 ان شاء الله ومع مين.. مع أمها حبيبتى الغالية روجينا ايوة هى من عيلة فنية كبيرة.. رحلة كاملة شفتها بعينى بكل تعبها وبكل لحظة قوة وضعف".
واختتم رامي عادل إمام حديثه قائلاً: "الفخر اللى حاسس بيه مش عادي... مش بس عشان وصلت لكن لأنها تستحق فعلًا المكان اللى هى فيه، عندها شخصية قيادية.. حضور ووعى يخليها مش مجرد مخرجة لكن واحدة من المخرجات الكبار فى مصر إن شاء الله.. بحبك وبشجعك من قلبى وواثق فى اللى جاى أكتر من أى وقت فات".
تفاصيل مسلسل "حد أقصى"
المسلسل من بطولة روجينا ومحمد مهران ومحمد القس وخالد كمال ومصطفى عماد وفدوى عابد من تأليف هشام هلال وإخراج مايا أشرف زكي.
غضب تامر عبد المنعم من شائعة وفاته.. ويتخذ إجراءات قانونية
لقاء مي عز الدين مع إسعاد يونس في صاحبة السعادة يحقق 350 مليون مشاهدة
كريم عبد العزيز يبدأ تصوير «الفيل الأزرق 3»
