أحمد العوضي: عمرى ما قولت إني سنجل.. ونفسي أتجوز وأخلف

تطرق الفنان أحمد العوضي للحديث عن البث المباشر الذي ظهر خلاله وأثار جدلًا واسعًا بسبب عدد من تصريحاته، من بينها ما يتعلق بزواجه، وذلك أثناء استضافته في برنامج «صاحبة السعادة» الذي تقدمه الإعلامية إسعاد يونس عبر شاشة DMC.

وقال أحمد العوضي خلال لقائة في برنامج "صحابة السعادة": "أنا عمري ما قولت إني سنجل، أنا مش سنجل وقولت في اللايف إني هتجوز، اللايف دا عمل مشاكل كتيرة جدا أنا عملته يوم عيد ميلادي وأقداركم من أفواهكم، أنا عارف أنا بقول إيه ومدرك أنا بقول إيه مش بقول كلام وأرجع اعتذر، اللايف دا ضايق ناس كتير بس مش إخواتي، أنا عايش في عالم العوضي وإخواته دايما كلامي موجه لإخواتي لا اتعرض بإهانة لأي حد برا العالم دا وبسيب اللي يتكلم يتكلم".

اقرأ أيضا| في هذا الموعد.. علي الحجار يحيي سهرة طربية بساقية الصاوي

وتابع: "أنا بقول أمنية عشان ربنا يحققهالي هو أنا لما أقول عايز اتجوز وأجيب ولد هو أنا غلطت في حد؟ دي سنة ربنا أنا مش هفضل أحمد العوضي قوي البنيان أكيد هكبر وأبقى عايز يبقى عندي عيل صغير اسند عليه".

وأضاف العوضي متحدثا عن أمنيته في إنجاب طفل وكيف سيقوم بتربيته: "زي ما أبويا علمني هربي ابني لأن الصدق والمبادئ والرجولة مش بتتغير، الأصول مش بتسقط بالتقادم أه الزمن اتغير وطريقة التربية اتغيرت لكن اللي اتربيت عليه في الرجولة لازم ابني يتعلمها عشان يطلع حلو مش حلو المنظر يطلع واد راجل لازم عشان يطلع راجل يتعلم اللي أنا اتعلمته".