أحمد العوضي ردا على انتقادات «الأعلى أجرا»: أنا حاليا رقم واحد وأفتخر بذلك

حلّ الفنان أحمد العوضي ضيفًا على برنامج «صاحبة السعادة»، الذي تقدمه الإعلامية إسعاد يونس عبر شاشة DMC، حيث تحدث خلال اللقاء عن رأيه في الانتقادات التي طالته مؤخرًا عبر مواقع التواصل الاجتماعي، وذلك على خلفية تصريحاته التي أكد فيها أنه الأعلى أجرًا والأكثر مشاهدة وبيعًا.

وقال أحمد العوضي: "أنا كنت فاتح اللايف مع إخواتي وقلت بفضل ربنا ودعمكم ليا وأنا النهاردة ربنا أكرمني أنا الأعلى مشاهدة في رمضان والأكثر بحثًا على جوجل والأكثر مبيعًا والأعلى أجرًا، بكلم إخواتي وبقولهم بصوا وصلت لـ إيه بدعمكم وفضل ربنا مش شطارة مني، وطلع ناس قالت ده مغرور وجنون العظمة أصابه".

وأضاف: "طيب أنت تعرف إيه هو الغرور قبل ما تتكلم، الغرور ده حاجة مش عند الآخر، هو الأهلي والزمالك لما الأهلي بياخد الدوري مش بيتقال أنه متربع؟، ما هو تعب لغاية ما وصل، هل كده الأهلي بيكيد في الزمالك؟، أكيد لأ، فكلمة الغرور متنطبقش على كلامي".

وأكمل: "صفحتي على الفيس بوك أقوى صفحة في مصر بفضل ربنا، ولو نزلت مشهد مثلًا جاب 80 مليون مش من حقي أفرح بـ ده؟، في جزئية من الناس بتعتقد خاطأ أن العامة تتبع النخبة، فأنت لما تصدر لهم أن العوضي مغرور ووحش فأنت مهئ ليك أن العامة هتتبعك ده لأ لأنك لا تتبع النخبة، والعامة لا تتبع التفاهات".

وأكد أحمد العوضي أنه لا توجد أي خلافات بينه وبين زملائه في الوسط الفني، موضحًا أن علاقته بالجميع يسودها الاحترام والتقدير: "أنا بحترم كل زملائي، وأنا دلوقتي لو رقم واحد بفتخر بـ ده، وبكرة ممكن زميلي يبقى رقم واحد وأنا رقم اتنين ومن حقه يفرح بـ ده، وعمري ما كان عندي مشكلة مع زميل ليا".

اقرأ أيضا| ذكرى رحيل زكى طليمات.. شيخ المسرح العربي

وأعرب أحمد العوضي عن استغرابه من الانتقادات الموجهة إليه بسبب تجسيده لشخصية صنايعي رخام، مؤكدًا موقفه تجاه تلك الآراء: "نغمة طلعت السنة اللي فاتت أن أنا شبه الصنايعية، يا عم أنا بفتخر أني شبه الصنايعية، أنا طالع من وسط الناس الشعبية وعمري ما أنكرت، ولو مكنتش أبقى ممثل هحب أبقى صنايعي، أنا الناس بتحبني علشان قريب منهم، أنا بنزل وسط الناس علشان بحبهم".

وعلق أحمد العوضي، على انتقادات مسابقاته، قائلًا: "بيقولوا أني بعمل مسابقات علشان الناس تتفرج على مسلسلاتي، طب أسلفك وتعملها؟، والعشرة دول ما يهون عليه جنيه، متجيش معاك مش هتعمل".

وأضاف: "ميهمنيش أبقى غني، اللي يهمني أن الناس تحبني، والناس بتصدقني، واللي زعلان أن الناس مصدقاني بيحاول يشككهم فيا وده مش هيحصل، لأن الناس مشافتش  مني حاجة وحشة".

واختتم أحمد العوضي حديثه قائلا: معروف عني أن كل مسلسلاتي نهايتها ضلمة، فالناس اتضايقت وبقيت آخد من النقد ده رأي إخواتي اللي بيتفرجوا عليا، طبيعي ماخدش نقد من حد مبيتفرجش عليا ولكن متنكرش نجاحي".