دعم فني لأحمد السقا.. أيتن عامر تدخل على خط الجدل

حرصت الفنانة أيتن عامر على دعم النجم أحمد السقا بعدما تعرض لهجوم شديد عليه بسبب استخدام كلمة "ميجا أستار"، وجاء المنشور على صفحته الشخصية موقع التواصل الإجتماعي "فيس بوك".

وشاركت أيتن عامر صورة لها برفقة أحمد السقا وعلقت عليه قائلا: "ايوه ميجا ستار، وارجل ستار، واجدع ستار".

ويذكر أن، أبدى النجم أحمد السقا استيائه من سخرية رواد مواقع التواصل الاجتماعي من الفيديو الذي نشره بالإنجليزية ووجهه لإدارة نادي ليفربول لدعم النجم المصري محمد صلاح بعد تواجده لأكثر من مباراة على دكة البدلاء.

أحمد السقا يدعم محمد صلاح

وأضاف أحمد السقا، في تصريحاته لبرنامج "الحكاية" الذي يقدمه الإعلامي عمرو أديب: "لقيت الرياضة دخلت في الدين والسياسة، وطبعا خدتني الجلالة وعز الدين أيبك اللي جوايا طلع، عملت فيديو أدعم فيه ابننا محمد صلاح، ووجهت رسالة بالإنجليزية يمكن يكون خانني التعبير، لكن كلمة كوتش صحيحة وعندهم محمد صلاح جوا الملعب كوتش".

اقرأ أيضا| فجر السعيد: عبلة كامل رمز من رموز القوة الناعمة المصرية

وتابع أحمد السقا: "اللي قولته بالإنجليزي قعد 55 دقيقة مش انا اللي مسحته، واستخدمت كلمة ميجا ستار لأن عندهم كدا وبنتقدم عندهم برا كده".

قال أحمد السقا: "أنا مش مختل عشان أخاطب مجلس إدارة نادي ليفربول، أنا مستغرب من الهجوم والإهانة هو أنا عملت إيه؟! أنا ممكن بكره الصبح أبطل تمثيل وأقطع كارنيه النقابة، لو مش عايزيني إرموني في الزبالة... أنا صفحاتى موجودة على مواقع التواصل لكن عملت (لوج أوت) من كل الحسابات، الله يسامحهم، واللى شاتمنى أنا مسامح، وحقي عند الله، بس ياريت كل واحد يراجع نفسه".

واستطرد السقا: "أنا يتعمل معايا كده ليه، صعبت عليه نفسي 6 ساعات الواحد اتنشر عرضه، يتعمل معايا كده لي ماشي أنا مش ميجا ستار ولا حاجة، وأقل من أقل أي حد في العالم، الناس طلعت توجهلي إهانة ليه؟، أقل إهانة عقابها 3 سنين سجن، وقسما بالله ما هقدم بلاغات ولا هأذي حد، وأنا مسامح".