مصطفى كامل يكشف حقيقة التسجيل المُسيء لـ حلمي عبد الباقي

كشف الفنان مصطفى كامل، نقيب المهن الموسيقية، تفاصيل خلافه مع الفنان حلمي عبد الباقي، وكيل أول النقابة، وذلك بعد انتشار تسجيل صوتي منسوب إلى مصطفى كامل ظهر فيه وهو يسيء إلى حلمي عبد الباقي.

وأوضح مصطفى كامل أن هذا التسجيل غير حقيقي، مؤكدًا أنه على وفاق مع حلمي عبد الباقي منذ شهر أغسطس الماضي، وجاء ذلك خلال مؤتمر عقدته النقابة.

وقال مصطفى كامل: «إن الله يدافع عن الذين آمنوا، وأنا في قعدتي كان كتاب الله مفتوح وأنا بتناقش مع رؤساء النقابات، الأزمة مبنية على مؤامرة رخيصة، كنت أظن أنها من الناس اللي برا اللي أساءت لموسيقيين مصر كلهم ولكني فوجئت بـ صفحات من 3 شهور بتنال مني ومن زملائي العاملين بجد، واللي شغالين بجد وناجحين ومابيناموش، في الوقت اللي فيه المقصر وسيئ النية لا يُسب ولا ينظر، وده كان شيء غريب بالنسبة لينا».

وتابع: «أنا سمعت السادة إساءة على موبايلي بنفس صوت من يزعم أني بسببه، السب اللي موجود عندي أفظع وأبشع، وبقالي 3 شهور بقول لهذا الذي كان زميلًا، والذي كان صديقًا، إيه هدفك من اللي أنت بتعمله؟ عايز إيه وبتحلم بـ إيه؟»

اقرأ أيضا| ذكرى رحيل سامية جمال.. فراشة الشاشة التي صنعت مدرسة خاصة في الرقص والسينما

وأضاف: "قبل ما آجي النقابة سبق لهذا الزميل عمل فيديو وحلف على كتاب الله أنه لم يعلم بأشياء، وأقسم بحق كتاب الله أن جالي حد من أعز أصدقائه دلوقتي، وقالي أنه كان عارف بوقائع ساعتها، والزملاء اللي كانوا في المجلس السابق قبل ما آجي عارفين إن الواقعة اللي حصلت وحلف عليها الزميل، مكنتش صح واللي قاله مكنش صح، حاول البعض منهم نقيب طنطا وكفر الشيخ يعملوا جسلة بيني وبين هذا الذي كان زميلًا، وقعدت معاه وسألته أمام كل الدنيا أنت بتعمل كده علشان عايز كرسي النقيب؟، تعالى بس من غير ما تدمر الكيان، الحجة الشتايم؟، كلنا اتشتمنا".

وتابع مصطفى كامل: "قالي على التسريب ده من شهر 8 والموضوع اتقفل، وفجأة وإحنا بنحقق اكتشفت إن فيه ناس مش عايزة تحقق العدالة، أنت بتحقق مع حد في مخالفة، هي شلل ولا بتحلفوا متسيبوش بعض ولا هي هدم للنقابة ولا هدم لمين؟، ومن هنا جاء إحساسي الصادق إن القعدة اللي قعدناها سابقًا كانت من أجل الغش، ومن هنا قلت للدكتور علاء سلامة إني برفض صداقتي لهذا الشخص، وقلت على نفسي حسبي الله ونعم الوكيل في كل ما قدمت له من خير".