فراس سعيد: «أنا ضد تقديم أي عمل فني يخدش الأدب والأخلاق»| خاص

أعرب الفنان فراس سعيد عن ندمه على المشاركة في عدد من الأعمال التي ظن في البداية أنها ستحقق نجاحًا كبيرا أو ستقدم للجمهور بشكل مميز، لكنه تفاجأ لاحقا بتغيرها وعدم ظهورهه للجمهور بالصورة التي كان يتوقعها.

قال فراس سعيد، في تصريحات خاصة لـ«بوابة أخبار اليوم»، "ندمت على بعض الأعمال اللي شاركت فيها، كنت متوقع منها حاجة مختلفة تمامًا، لكن فوجئت إنها اتقدمت بشكل تاني غير اللي كنت متخيله، بس الحالات دي، والحمد لله دلوقتي الأمور بقت محسوبة أكتر، والصناعة عندنا بقت قوية جدًا، وبقينا نشوف احترافية حقيقية في الفن، كمان الوقفات اللي حصلت في السينما والدراما أنجبت جيل جديد مميز، لأننا دلوقتي عندنا شباب كتير موهوبين، سواء ممثلين أو مخرجين أو كتاب، وده شيء يفرّح بصراحة".

وعن الخطوط الحمراء في التمثيل، قال فراس سعيد: "أنا شايف إن الصناعة، سواء هنا أو في الخارج، لازم تراعي طبيعة المجتمع اللي بنعيش فيه، يعني لو في حاجة ممكن تكون خارجة أو تخدش الأدب والأخلاق والدين والعادات والتقاليد بتاعتنا، الأفضل إننا ما نقدمهاش ولا نعرضها".