سيد عبد الحفيظ يرد على مدحت شلبي: العمر اللي باقي ميستحملش تشكيك في مرض إنسان

وجه  سيد عبد الحفيظ، نجم النادي الأهلي السابق ومدير الكرة الأسبق، رسالة قوية إلى الإعلامي مدحت شلبي، على خلفية تصريحاته الأخيرة التي ألمح فيها إلى التشكيك في الحالة الصحية للكابتن محمود الخطيب، رئيس النادي الأهلي، مؤكدا أن ما صدر لا يمكن وصفه إلا بأنه نقص في أبهى صوره.

وقال عبد الحفيظ، خلال ظهوره عبر قناة MBC مصر 2 في برنامج "الكورة مع فايق":  اليومين اللي فاتوا، وهنا في قناة MBC، كان الموضوع الخاص برئيس النادي الأهلي محمود الخطيب.. لما يتقال كلام فيه تشكيك في مرضه، ده النقص في أبهى صوره. وبعدها ييجي تبرير يقول أصل إحنا بنهدي الدنيا.. هو ده اسمه تهدئة؟ العمر اللي باقي ميستحملش صراعات ولا تشكيك في صحة بني آدم.

وأوضح عبد الحفيظ أن من حق أي إعلامي توجيه النقد والتحليل الفني، لكنه شدد في الوقت ذاته على أن هناك خطوطا إنسانية لا يجب تجاوزها، خاصة حين يتعلق الأمر بصحة شخص ورمز رياضي بحجم الكابتن الخطيب، مضيفا: اللي بيحصل ده مش نقاش رياضي.. ده إساءة للإنسانية. لما توصل الأمور لتشكيك في مرض إنسان وأسرته بتتأذى، هنا لازم نقف ونراجع نفسنا.

وتابع: النصيحة للكابتن مدحت شلبي، لو يقبلها مني، وهو شخص عزيز وغالي: لا العمر اللي باقي يستحمل صراعات ولا ترتيبات ولا مين إعلامي أول ولا تاني.. وجودك ليه قيمة، بس الرموز ما بتيجي كل يوم، والخطيب رمز كبير جدا.