ميار الببلاوي ترد على المتنمرين بعد حفل خطوبة ابنها: مش مسامحة

حرصت الإعلامية والفنانة ميار الببلاوي على الرد بحزم على التعليقات المسيئة والتنمر الذي تعرضت له هي وحفل خطوبة نجلها، وذلك من خلال حلقة جديدة من برنامجها "أنا حوا"، الذي يُعرض عبر شاشة قناة "الشمس".

وقالت ميار الببلاوي: "من كام يوم كان خطوبة ابني الجو ما شاء الله كان مليان حب وضحك كل الناس كانت بتفرح معانا وشكرا لكل الناس ولمحبتكم، وسط كل الحب دا كان في جزء تاني في المشهد اللي للأسف بنشوفه كتير على مواقع التواصل الاجتماعي ناس بتدخل على الصور والفيديوهات وتقرر تحكم على العروسة أو على العريس أو شكل الفرح أو تفاصيل صغيرة ماتخصهمش لون الفستان وديكور القاعة".

وتابعت حديثها قائلة: "هحكي الموضوع ببساطة عشان الناس اللي تنمرت عليا وكتبت تعليقات أنا عايزة أقولهم أنا مش مسامحاكم، وأي حد بيكتب تعليق دا بيبقى زي غيبة لصاحب الموضوع اللي بيتكلم عنه وربنا سبحانه وتعالى مش هيسامحه يوم القيامة إلا لما الشخص دا يسامحه، وأنا مش مسامحة لأن الناس دي اتسببت بعد فرحتي الكبيرة بابني وجعوا قلبي جدا وخلوني عيطت وضايقوا العروسة جدا".

اقرأ أيضا| المركز القومي للسينما ينعى رحيل الدكتور يحيى عزمي

وكشفت ميار الببلاوي ما حدث معها قائلة: "الناس قعدت تقول إن أنا بمثل، اللي حصل أن "الدانس فلور" اللي كان عليه العريس والعروسة بيرقصوا حصل فيه سرطنة في الإزاز، هو بيبقى نوع من أنواع الإزاز، وفي القاعة نيموا كرسي حوالين المكان علشان محدش يقع ويتعور أنا مكنتش شايفة اللي حصل، وأول ما جيت وعاملة فيها البنت اللي بتدير الموضوع، لما لقيت الكرسي واقع رحت أرفعه وقعت بكل جسمي وأنا مليانه فوقعت بركبتي جوا الإزاز، رجلي اتقطعت وركبتي، والناس كانت بتقول كان معاها مرهم، المرهم اللي أنا كنت ماسكاه أنا مجبتوش واحد راح دور وجابهولي ودهنولي بيه وكل همي إني مبينش لابني عشان مبوظش الفرح، الناس اللي افترت عليا واتبلت عليا وقالت إني بعمل كل دا عشان أشيل العين أو بمثل أو عايزة التريند أنا بقولكم التنمر دا بيجرح القلب وبيجرح الناس، وياريت أي حد قبل ما يكتب تعليق يسأل نفسه الكلمة دي هتضيف ولا هتجرح حد".