وجهت الفنانة نجوى فؤاد مناشدة لوزارة الثقافة بضرورة الاهتمام بها وبجميع الفنانين القدامى، وذلك خلال مداخلة هاتفية في برنامج "بنظرة تانية"، حيث حرصت على طمأنة جمهورها بشأن حالتها الصحية، كما تحدثت عن أوضاعها الحالية في ظل غيابها عن المشاركة في أعمال فنية جديدة.
وقالت نجوى فؤاد: "بطالب وزارة الثقافة تهتم بالفنانين اللي عملوا مشوار كبير جدا وكانوا بياخدوا ملاليم مش ملايين، دخلنا معروف بالضرايب إحنا عايزين نعيش عيشة آدمية حلوة وربنا يختمها معانا ختام كويس، ومش يعملولي دار مسنين هو الحمد لله الواحد عنده بيت مش تمليك دا إيجار بقالي 40 سنة في البيت دا اللي على النيل، إحنا معندناش تمليك ولا عندنا شقق ولا محلات أكل، ياريت ينتبهوا لينا شوية لأن الأدوية بقيت غالية وزيارة الدكتور بقت غالية"
وأضافت: "أنا الحمد لله كويسة ومش هعتزل ولا حاجة أنا عندي بس شوية تنميل في قدم رجلي وبنعالجه وعلى الله الشفاء، وأنا اشتغلت 40 سنة لما أقعد سنتين تلاتة مش مشكلة".
اقرأ أيضا| شهد رمزي تطلق برومو "أصل الجمال" أولى أعمالها في صيف 2025
وتابعت: "أنا يوم ما اعتزل لازم أطلع أحج، واشوف مشروع صغير، للأسف نقابتنا ووزارة الثقافة مش سألين فينا معاشي 600 جنيه في الشهر وطبعا دول ميجيبوش عيش حتى، أنا هدور على أي حاجة اشتغلها مش عارفة اشتغل إيه أنا قضيت عمري كله في المشوار الفني الجميل وحب الناس، والأعمار بيد الله ومحدش عارف أجله أمتى".
وأكدت نجوى فؤاد أنها تعتز بكل الأعمال التي قدمتها ,لن تطالب في يوم بحذف أي عمل بعد وفاتها قائلة: "يمسحوا أعمالي ليه هو أنا عملت أعمال مشينة أنا عاملة فيلم اسمه "حد السيف" في حدوته عن الرشوة كان بطولة محمود مرسي وقصة وحيد حامد، وعامله فيلم "ألف بوسة وبوسة" وكان استعراضي عملت 7 أفلام إنتاج كنت كل اللي بكسبه أصرفه على الفرقة والإنتاج".
محمد حماقي يواصل حصد الأرقام القياسية.. أكثر من 15 مليون استماع
أروى جودة: زوجي بيخاف من الحسد.. وحلم الأمومة متروك لله عزوجل
نجوم الفن يقدمون واجب عزاء الراحله سهام جلال |صور
