أبرز تصريحات أحمد فتحي مع معتز التوني في «فضفضت أوي»

كشف الفنان أحمد فتحي عن العديد من كواليس محطاته الشخصية والفنية والصعوبات التي واجهته في مشواره، مع المخرج معتز التوني عبر بودكاست «فضفضت أوي».

وتستعرض "بوابة أخبار اليوم" أبرز تصريحات  الفنان أحمد فتحي خلال لقائه مع معتز التوني .

أبرز المحطات الشخصية والازمات في حياة احمد فتحي

_ والدي كان راجل محترم ومكنش بيضربنا كتير، بس لما كان بيضرب كانت حاجة كبيرة

_ واجهت صعوبات كتير في بداية مشواري، لكن في كل مرة كنت بتعلم حاجة جديدة

_ في ثانوية عامة كنت باخد الدرس بـ3 جنيه، صرفتهم على سجاير وخبيتها، ووالدي صرخ لما لقاها

 _عمري ما هطبل لحد حتى لو كانت آخر لحظة في عمري وبخاف الناس تفهمني غلط

_ آخر سنة في المعهد اضطريت أعيدها بسبب مشروع التخرج

 _ الحياة بتخلص أسرع مما بنتخيل متزعلش على حاجة راحت، ولا تفرح بحاجة جاية.. أهم حاجة سمعتك

 _ الرِّضا والإيمان هما اللي بيخلوك تكمل.. وأنا دائمًا برضى بأي حاجة ربنا يكتبها

أبرز المحطات الفنية والفنان الاقرب لـ أحمد فتحي 

_ محمد سعد هو الفنان الوحيد اللي بيضحكني

_ اللي بيضحك أصحابه مش شرط يبقى ممثل كويس.. أهم حاجة الذاكرة

_ الناس بتحبني بس في ناس بتكرهني.. وده طبيعي

 _أنا مش من النوع اللي بتجيلي مكالمات تهنئة لما أنجح.. يمكن عشان مش بكلم حد

_ لما بشوف موهبة كبيرة لازم أقول.. مرة قلت لفنان مهم جدًا إنه رائع، مردش، هو موهوب بس مش إنسان."

_ اتعرض عليا دور" سيد"  في جعفر العمدة، ومحصلش نصيب، الدور راح لأحمد فهيم لأنه رزق