العرايس سابوا الورد.. و"لا بوبو" بقت نجمة الفرح

لو بتجهزى لفرحك أو حتى بتحضري نفسك كصاحبة البوكيه الجاية، لازم تسمعي عن آخر تريند نزل على تيك توك وقلب السوشيال ميديا: "لابوبو" بدل بوكيه الورد.

الموضوع بدأ لما عروسة في ملبورن فاجأت صحباتها في الفرح، بدل ما ترمي البوكيه، رمت عليهم سلسلة مفاتيح عليها دمى "لابوبو" المرعبة الظريفة، بحسب ما جاء من صحيفة Daily Mail البريطانية.

اقرا أيضأ|دمية الرعب اللطيف.. كيف تحولت لابوبو إلى أيقونة عالمية؟

وساعتها الدنيا ولعت: صريخ، ضحك، وهجوم جماعي على الدمى كأنهم أطفال في حفلة عيد ميلاد.

 ليه الناس بتحب "لابوبو" كده؟

الدمية دي مش عادية، شكلها مزيج بين الكويت والمرعب:

عيونها كبيرة

أسنانها بارزة

وأذنيها مدببة

 يعني شبه حاجة طالعة من كرتون غامض، بس بطريقة تجنن.

"لا بوبو" ابتكرها فنان اسمه كاسينج لونج من هونج كونج، ومن 2019، بقت بتتوزع حصريا عن طريق شركة Pop Mart الصينية، بعد ما عملوا معاهم اتفاق عالمي.

أكتر من عروسة بدأت تستخدمها

واحدة رمت صناديق كاملة منها

والتانية دمجتها جوه بوكيه الورد

الفكرة بقت تريند فعلي، وبتضيف لمسة مرحة، غير متوقعة، وتخلي لحظة البوكيه مميزة أكتر،خصوصا لو صحابك بيحبوا حاجات غريبة ومجنونة.

 بوكيه ولا "وحش لطيف"؟ أنتِ اللي تقرري.

لو بتحبي تكسرى التقاليد وتدخلي روح مرحة في فرحك، يبقى لابوبو ممكن تكون لعبتك المفضلة الجديدة 
والأجمل؟ إنها مش هتدبل زي الورد، وهتفضل ذكرى تضحككم بعد الفرح.