ابن راندا البحيري يكشف تعرضها للتهديد

كشف ياسين الأشروبي ابن الفنانة راندا البحيري تفاصيل تعرضه هو والدته للتهديد دون توضيح هوية الشخص وذلك في رسالة غامضة نشرها عبر صفحته الشخصية على فيسبوك.

وكتب ياسين :«أنا ياسين الأشروبي.. أيام إن شاء الله وهتم ال 15 سنة.. شاب مصري من حي الجيزة مواليد ميدان التحرير وسط البلد عشت واتربيت في وسط البلد والجيزة وليا أصحاب في مصر كلها» مضيفا: «ابن الفنانة والأم الجميلة راندا البحيري وأنا كلي فخر إني ابنها».

وتابع مشيرا إلى تعرض والدته للتهديد قائلا: «أنا كل اللي عايز أقوله حاليا إني مش هسيب ماما في اللي هي فيه وفي الظلم اللي هي بتتظلمه يوميا.. أنا اتظلمت كتير وكلكم عارفين من مين وهي كمان اتظلمت كتير أوي » مستكملا :«دايما كانت هي بتصدر الوش المبسوط وانها مش متضايقه وكده إنما كانت بتعاني من حاجات كتير ومن مضايقات».

إقرأ ايضا: قبل «دم على نهد».. مسلسلات لـ«هند صبري» مستوحاه من روايات

واختتم حديثه قائلا :«كانت بتتتهدد وكان بيحصل معاها حاجات كتير وحشة أي حد مكانش يتحملها.. ربنا يخليكي ليا يا ماما ودايما تكوني في أحسن حال وربنا ما يحرمنا من بعض أبدًا» لترد عليه راندا البحيري قائلة :« يا حبيييي ربنا يخليك ليا و يبعد عننا كل الناس الوحشه».