كشف المخرج خالد دياب والنجم هشام ماجد في مفاجأة طريفة لجمهور مسلسل "أشغال شقة جدًا"، إنهم لسه مخبيين باقي نكتة "مرة مدرب سباحة اتجوز مدربة جمباز" اللي انتشرت في المسلسل، وقالوا إن تكملتها هتكون ضمن أحداث الجزء التالت!
خلال لقاءهم في برنامج "يحدث في مصر" مع الإعلامي شريف عامر، قال خالد دياب ضاحكًا: "هشام محلفني محدش يقول الجزء الأخير غيره، وأنا في نفس الوقت قايله ما تقولش، عشان عايزين نكملها في الجزء الثالث".
هشام ماجد بدوره رد وقال: "هي موجودة فعلاً، ولو قالي أقولها هقول، بس إحنا سايبينها مفاجأة"، وقبل ما يكمل كلامه قال بسخرية: "بيقولك، مرة مدرب سباحة اتجوز مدربة جمباز..." ثم رن موبايله وقطع الكلام!
الجدير بالذكر إن مسلسل "أشغال شقة جدًا" كان من أبرز الأعمال الكوميدية في رمضان 2025، وبيضم نجوم زي هشام ماجد، أسماء جلال، شيرين، مصطفى غريب وغيرهم، ومن تأليف خالد وشيرين دياب، وإخراج خالد دياب.
اقرأ أيضا|
عمرو سعد ضيف شرف فيلم «خلي بالك من نفسك»
تامر عاشور على موعد مع جمهوره في "يلا ساحل".. 21 أغسطس المقبل
بفيديو كوميدي ساخر.. يارا السكري تتفاعل مع تريند «معجبة العوضي»
