ملك احمد زاهر: باخاف من الحسد وحصل مواقف في حياتي باظت بسببه| خاص

كشفت الفنانه ملك أحمد زاهر عن تجاربها مع الحسد وكيف تتعامل معه وعن الأشخاص الذين تريد تجسيد السيره الذاتيه الخاصه بهم .

وقالت ملك أحمد زاهر في تصريحات خاصة لـ "بوابة أخبار اليوم": بخاف من الحسد جدا ودايما باخد بالي وبقول الأذكار وبقرأ قرأن وبحصن نفسي وطبعا الحسد مذكور في القرأن " .

وأضافت ملك : " وحتي لو بخاف من الحسد جدا بس سايباها علي ربنا وحسيت اني اتحسدت في مواقف كتير لما بحكي حاجه مبسوطة بيها اوي وبعدين تفشل وتبوظ او أدخل في حاجه ومتكملش أو أتعب مثلا واحس اني اتحسدت " .

وأضافت: " مبحبش اعمل سيره ذاتيه لحد بس احب اعمل ادوار جديده متعملتش قبل كدا والانسان في التمثيل بيبقي مخلوق علي الورق مش حد حقيقي" .

وعن الادوار التي تتمني تجسيدها قالت : "  بحب أشتغل كل حاجه وأجرب كل حاجه بس لازم الدور يكون كويس ومؤثر حتي لو صغير " .

وأضافت : " لازم يكون المخرج شاطر والمؤلف شاطر الحاجات العاديه بتبقي عوامل نجاح أي عمل تخليني أقبل أو أرفض أي عمل ودوري لازم يكون مؤثر مش مهم مساحته بس الأهم يكون مهم في الأحداث ويضيفلي زي ما انا هضيفله " .

وعن نصائح والدها الفنان أحمد زاهر قالت : " ونصائح بابا ليا اني لازم اكون ملتزمه  ومهما نجحتي ووصلتي تفضلي دايما عندك روح الهاوي مهما بقيتي محترفه تمثيل وتبقي شخص يحب شغله وملتزم الي ما لا نهايه .

ملك احمد زاهر بسيد الناس 


وتتعاون ملك أحمد زاهر مع المخرج محمد سامي في رمضان القادم 2025 بمسلسل "سيد الناس" من بطولة عمرو سعد وإلهام شاهين وخالد الصاوي ومنة فضالي من تأليف خالد صلاح.