كشف الفنان وائل عبد العزيز شقيق الفنانة ياسمين عبد العزيز عن وصيته في مفاجأة للجميع معلنا أنه يمر بأزمة نفسية منذ فترة وأشار إلى رفضه إقامة عزاء عند رحيله.
وكتب وائل عبر صفحته الشخصية على فيسبوك قائلا :«أنا في أزمة نفسية بقالي سنين واحساس عندي قوي مش هكمل كتير وتعبت وعايز ارتاح خلاص ووصيتي هكتبها هنا» مضيفا :«أنا مش عايز عزاء ومحدش ياخد عزائي تماما وياريت دفنتي لا تعلن ولا حد يحضرها غير ابني واخويا فقط ربنا يديهم طوله العمر».
تابع قائلا :«عايز ادفن في مدافن اخوات أمي وأنا عارف ومتأكد أن كل الناس هتدعيلي بالرحمة ومش طالب اكتر من كده وأنا مسامح كل الناس الي حصل بيني وبينهم اي مشاكل من اي نوع إلا خمس أشخاص فقط .. وعند الله تجتمع الخصوم ..هو الحكم العدل».
واختتم وائل عبد العزيز حديثه قائلا :«واخيرا ربنا يحسن خاتمتي يارب .. أكيد فوق احلي من الحقد والغل والجحود والحروب النفسية اللي عايشين فيها دي».
اقرأ أيضا: نورهان تكشف سبب ابتعادها عن الفن وتفاصيل انفصالها
آخر ظهور لوائل عبد العزيز
وكان آخر ظهور للفنان وائل عبد العزيز في عزاء والده الراحل محمد عبد العزيز الذي رحل عن عالمنا في يناير الماضي والذي أقامه رغم إعلان شقيقته ياسمين عبد العزيز إلغاءه.
غياب وائل عبد العزيز عن رمضان 2025
وكان وائل عبد العزيز قد كشف غيابه عن مسلسلات رمضان 2025 وأوضح فعبر صفحته الشخصية على فيسبوك قائلا :«أول سنة تعدي عليا ابقي مش فارق معايا حقيقي يبقي ليا عمل درامي في رمضان وحقيقي مش عارف السبب بس يمكن اكون فهمت الدنيا اكتر»
وتابع :«أنا عشت طول عمري اجتهد وانجح في اللي ابويا منجحش فيه واخترت نفس طريقه في إثبات نفسه بدون اي واسطة او توصية لحد ما نجحت لكن اتحاربت كتير.. وبعد كل نجاح كنت بوصله كان يكلمني الله يرحمه وصوته كله سعادة اكنه هو اللي نجح وده كان عندي حقيقي كفايه لانه كان جمهوري الاول والاهم».
واختتم حديثه قائلا :«كنت بحس إني لازم أنجح عشانه .. ودلواقتي بقيت لازم أنجح اكتر وبقي تحدي اكبر بس للاسف بدون اي شغف».
مروان بابلو وليجي سي يستعدان لحفل عالمي ضمن مهرجان «صيف بورتو جولف العلمين»
هيفاء وهبي في حفل غنائي بعمان بعد النجاح الكبير لأغنية «شو المطلوب»
بُترت ساقها.. تفاصيل اللحظات الأخيرة في حياة والدة سمسم شهاب
