كشف الموزع نادر حمدي عن ألبوم الفنان أحمد سعد التي يحمل اسم "حبيبنا"، التي من المقرر طرحه بدءًا من 15 يناير الجاري.
وشارك نادر حمدي برومو يظهر من خلاله أحمد سعد وهو يحكي في عن مشواره الفني، وحبه للموسيقى والغناء منذ صغره.
وقال أحمد سعد خلال البرومو: "حاجة جميلة أوي يكون عندك حلم، والأجمل من كده أنك تحققه، طول عمري أحلامي ملهاش سقف بطول السما، وأنا صغير كنت بحب المزيكا أوي، كنت بشوف كل حاجة ألحان حتى الكلام كنت بشوفه لحن".
وأضاف: "كان إخواتي بيستغربو وأنا صغير إزاي طفل يحفظ الحاجات التقيلة دي، كنت بسمع مشايخ وأم كلثوم وعبدالوهاب وكنت بسأل نفسي هتغني إيه فيهم، كنت بسمع كل أنواع الموسيقى، كنت بدوّر على شكل الناس تشوفني فيه.
وتابع: "واتصدمت أول صدمة عندما علمت أن الطريق ليس سهل، محتاج الناس تحبني، وفضلت أسعى وأسعى وأعمل أشكال جديدة في المزيكا بحبها، ولكن لم تكن كل الناس تحبها".
وأكمل: "قعدت 15 سنة أجرّب بعمل اللي بحبه واللي الناس بتحبه، وأشوف زمايلي بتعمل إيه علشان أشوف اللي الناس بتحبه وأعمله، واحترت و مابقتش عارف أعمل إيه ، لحد ما وصلت إن أعمل اللي الناس بتحبه بالطريقة اللي بحبها، وحصل النجاح اللي مجاش بين يوم وليلة. الناس بقت تحبني وتحب أغانيّ، وبقيت ببقى طاير في السما وأنا واقف على المسرح".
واختتم حديثه قائلا: "بقت الناس بتغني ورايا وبتقول إيه اليوم الحلو ده، ووسع وسع، وعرفت إن المسؤولية ابتدت وأني محتاج أعمل اللي ناس بتحبه واللي أنا بحبه، وأنا مصدق إن اللي بتحبه من قلبك الناس هتحبه معاك، وهي دي تجربتي. المرة دي هعمل اللي بحبه وهاخد الناس وهطير في السما، الأيام الجاية هتعرفو إيه هي التجربة".
محمد حماقي يواصل حصد الأرقام القياسية.. أكثر من 15 مليون استماع
أروى جودة: زوجي بيخاف من الحسد.. وحلم الأمومة متروك لله عزوجل
نجوم الفن يقدمون واجب عزاء الراحله سهام جلال |صور
