ننشر أقوال طبيب جلدية متهم بالتعدي على فتاة داخل عيادته بالتجمع| خاص

حصلت "بوابة أخبار اليوم" على أقوال طبيب أمراض جلدية شهير متهم بالتعدي على فتاة داخل عيادته بالتجمع.

أدلى المتهم باعترافات تفصيلية أمام جهات التحقيق في القضية رقم 9065 لسنة 2024 جنح قسم التجمع الأول، والتي جاءت كالآتي:

س: ما الذي حدث معك وما هي ظروف عرضك علينا ؟

ج: اللي حصل إن أنا شغال في جامعة الأزهر أستاذ دكتور جلدية وبرضو شغال في المركز الطبي في مدينتي في عيادة دكتور جلدية ومواعيدي يوم السبت والثلاثاء، وبداية تعارف بالمدعوة / كاثرين من حوالي 4 شهور في شهر فبراير، كانت جتلى دخلتلى كمريضة جلدية وعندها أنواع حساسية موجودة في الوجهه والصدر والظهر وأول ما جتلى أول مرة كشفت عليها، لأنها كان عندها حساسية فى الظهر والوش والصدر والكشف بيتم عن طريق أن انا بكشف الحتت اللى عليها المرض ذى الوجه الظهر ومنطقة أعلى الصدر أسفل الرقبة بتحسس مكان المرض، ومتذكر اني عملت كدا فعلا لما جاتلي أول مرة، وبعد ما كشفت عليها ووصفتلها الأدوية ساعتها قالتلى انها بتأخد أدوية نفسية واذا كانت دى هتتعارض مع الأدوية اللى انا كتبتها لها ولا لا قولتلها لا مش متعارضة.

وتابع الطبيب: "لأن معظمها كريمات مش أدوية تتعارض مع الأدوية النفسية اللي بتاخدها وساعتها قولتلها لو ملقتيش الدواء اللي انا وصفهو لك دا رقمى وكلميني لو مدكيش الدواء واداكى بديل، وانصرفت وبعد كدا بأسبوعين جتلى تاني لأنها من حقها تعمل مراجعة بعدها بأسبوعين ولما جتلى كشفت مجددا زى المرة الأولى وكشفت عليها وتحسست كل الأماكن اللي مصابة زى الوجة والوش وأعلى الصدر زي أول مرة ولقيتها تحسنت بالفعل وبعد ما وصفتلها العلاج وقولتلها ان حالتها تحسنت ومشيت والزيارة اللى بعدها جت العيادة بالفعل، ولكن لقت انها مشيت وكلمتني على تطبيق الواتس اب، وقالتلي اعمل حجز وعملتها حجز وجت بالفعل وقولتلهم في العيادة خليها تتدخل علطول أول ما تيجي علشان متعمليش مشاكل، وكان معاية الحكيمة ساعتها والست لما دخلت سألتها اية المشكلة قالتلي انا طلعالي حبوب في أيدي عيزاك تشوفها وقولتلها الحبوب دى محتاجة جلسة كي كهربي هتعميلها قالتي ماشي وقولت للممرضة جهزى الكي الكهربي".

واستكمل المتهم بالتعدي على فتاة: " الممرضة جابت الجهاز والمريضة طلعت على سرير الكشف ونامت على ظهرها وكانت لبسة توب بحمالة ومن تحت جيبة طويلة لحد رجليها، فقولت للممرضة هاتي الملاية علشان نغطيها ومسكت الجهاز واشتغلت في ايديها والممرضة موجودة وعملت ايدها بالفعل بالكي الكهربائي وخلصتة كلة ورجعت على مكتبي وبعديها الممرضة أخدت الأجهزة وطلعت بره وجت ثاني وأنا قاعد لقيتها بتشتكى بتقول عندها طفح جلدى في منطقة الظهر والمنطقة اللى فوق الصدر وقومتلها وتوجهت ليها والمريضة كشفت ظهرها علشان توريني الطفح الجلدى والممرضة شالت الجهاز ووضعتة في غرفة ثانية، ورجعت تاني وهيا كانت موجودة في ظل منا بكشف عليها وبعد كده قالتالي حبوب أعلى الصدر فقولت اكشف عليها والطمن انه ما في حاجه، فاكشفت أعلي الصدر بعدين قولت اشوف اذا كان فيه في صدرها أي أمراض وكده، وشديت التوب بتاعها وبصيت ولمستها ورفعت الحمالة وحسيت بصباعي المرض اللي موجود وعملت الكلام ده نظرا انها عندها مرض معين، ودا حساسية دهنية بتظهر في الوجة وما بين الصدر ومناطق ثانية في الجسم، وانا بعمل كدا لأني توقعت ان ممكن يكون في المنطقة دى، وسبب اني مخدتش منها موافقة لأني كنت عايز أشوف الحساسية دى، وبعديها مشيت لحد ما بعدها بيومين بعتت لرئيس العيادات أنه عايزة تشتكيني علشان هيا بتقوله أنه كشف عليا بطريقة مش عجباني، والدكتور قالها اية اللى حصل وساكتة دا كلة ليه، وبعدها تواصلت معاها، وقولتها ما سبب شكوتك قالتالي انت حطيت ايدك على صدرى قولتها مفيش حاجة وكده، لقيت واحد جه على العيادة بيقولي في ضابط عاوزك فروحتله وقولته في ايه قالى تعالى معايا على القسم هسألك كام سؤال وهترجع بعد ساعة، وروحت معاة على القسم ولقيتهم عملولي محضر ومضيت عليه وجيت على هنا النهارده وهوا دا كل اللي حصل .

إحالة طبيب شهير تعدي على فتاة داخل عيادته

أحال المستشار أحمد يسري المحامي العام الأول لنيابة غرب القاهرة الكلية، طبيب أمراض جلدية للمحكمة جنايات القاهرة الجديدة لاتهامه بهتك عرض فتاة داخل عيادته بالتجمع.

جاء في أمر إحالة الخاص بالقضية رقم 9065 لسنة 2024  جنح قسم التجمع الأول، قيام المتهم "ج.م" صاحب 68 سنة مقيم في مدينتي، بهتك عرض فتاة حال توقيعه الكشف عليها بملامسه جسمها، مع استمرار حبسه على ذمة القضية، بعد استكمال التحقيقات التي تضمنت شهادات الشهود والأدلة الفنية والطبية.

أقوال ضحية التحرش

أدلت المجني عليها أمام جهات التحقيق باعترافات تفصيلية، في واقعة اتهام أستاذ أمراض جلدية وتناسلية بجامعة الأزهر، بالتحرش بمريضة أثناء توقيع الكشف الطبي عليها داخل عيادته في منطقة القاهرة الجديدة.

وقالت المريضة أمام النيابة العامة: "أنا كنت بعاني من طفح جلدي، فذهبت إلى إحدى العيادات الجلدية، لتوقيع الكشف، وهناك تقابلت مع الطبيب المشكو في حقه، وأثناء توقيع الكشف طلب مني الكشف على المناطق المتواجد بها طفح الجلد، وخلالها كانت منطقة الظهر وأعلى منطقة الصدر، واليد اليمنى، بعد الكشف كتب لي علاجا وطلب مني الحضور بعد مرور أسبوعين للاستشارة، وبالفعل ذهبت إليه وفوجئت يسألني بعض الأسئلة الغريبة، زي إذا كنت متجوزة أو لا".

وأوضحت: "أثناء مرور الوقت ذهبت للكشف عنده مرة أخرى، لظهور حبوب في يدي اليمنى، وعند الكشف قال إنه سيقوم بكي الحبوب لانتهاء الألم، وخلالها تفاجأت بأنه يلمس أماكن حساسة بجسدي، وقتها كنت خايفة ومش عارفة أتصرف إزاي غير إني سيبت العيادة ومشيت على طول، تحدثت مع أصدقائي وحكيت لهم الموقف والجميع أثبت أنه تحرش رسمي ولابد من الإبلاغ عنه فحررت محضرا".