تصدرت الترند| «كنت بتضرب».. رانيا يوسف تكشف أسرارعلاقاتها مع أزواجها

خلال الساعات القليلة الماضية تصدرت الفنانة رانيا يوسف، ترند مواقع التواصل الاجتماعي والبحث علي جوجل بعد الكشف عن تفاصيل وأسرار عن حياتها الشخصية وتجاربها مع زيجاتها السابقة، معلنة تعرضها للضرب من الزوجين الأول والثاني.

وقالت رانيا يوسف خلال لقائها مع خالد عليش وميريهان عمرو ببودكاست "ع الرايق":  " إن الرجل بالنسبة لها يعني دماغ ذكية ويكون شخصية وحنين في نفس الوقت، بيبقي سند حقيقي في الحياة وصديق وأب وأخ وزوج وكل شيء في حياة المرأة".

اقرأ أيضا| قرارات حاسمة تتخذها رانيا يوسف في 2025 | فيديو

وأشارت رانيا عن تجاربها السابقة مع الرجال، وصفتهابـ "الهباب"، مشيرة انها رأت من الرجال لم يكن أحسن شيء، قائلة: "دايمًا البداية بتبقى لذيذة جدًا وبيبقى عندي أمل إن البداية الحلوة دي هتكون الحقيقة، لكن بعد شوية مبتبقاش هي دي الحقيقة خالص".

 وقالت رانيا أن الزواج من شخص مشهور عكس الزواج من شخص عادي، موضحة أن الرجل الذي يرتبط بشخصية مشهورة يعتقد أنه سيراها جميلة وواضعة مكياج دائمًا قائلة: "أنا عادي أوقات أبقي منكوشة ساعات ومش حاطة ميكب ولابسة لكلوك في الشتا، فيكتشف إني واحدة عادية خالص في البيت زي كل الستات".

وعند سؤالها عن سوء اختيارتها العاطفية وندمها بعد ذلك، ردت رانيا: "لا أنا مش بندم لسبب وهو إن أي حاجة بعملها حتى لو اللي عملته ده غلط بيبقى دايمًا نيتي فيه كويسة حتى لو أنا أخطأت في العلاقة دي بتبقى دايمًا نيتي طيبة وربنا عارف كده، ساعات بقى الريأكشن اللي بيظهر من الطرف الآخر بيفهمه بطريقة تانية خالص، يبدأ حاجات تخلي الدنيا تبوظ، وببدأ اكتشف إن هو اللي مكنش نيته كويسة".
وعن تجربتها في الزواج، قالت: "عندي في الجواز 3 تجارب، و3 مشاريع بنية كويسة من ناحيتي معرفش بقى الطرف التاني كانت نيته إيه، الرجل لابد أن يكون السند الحقيقي للست، يكون حنين ويحسسها بالأمان، وللأسف ده محصلش في تجاربي المتعددة”.
ضرب رانيا يوسف

وأصافت رانيا: "مريت بتجارب سيئة في جوزاتي، تعرضت للاعتداء من زوجي الأول والثاني، مدوا إيدهم عليا، وللأسف أنا ست مش قوية لما بحب بسلم الرجل زمام الأمور في كل شيء، أو على الأقل بخليه يحس إن هو المتحكم في كل شيء".