هاجم المطرب ويجز فنان شهير يدعى «رامي»، ولم يذكر إسمه الفني كاملاً، معبراً عن غضبه منه لأنه يحاول دائما إهانة مطربي الراب والتقليل من أعمالهم الفنية التي حققت نجاح كبير.
وقال ويجز فى فيديو عبر حسابه الرسمي بموقع تداول الصور والفيديوهات "إنستجرام" عبر خاصية الإستوري: "هتكلم على فنان فاكر انه ليه الصلاحية المطلقة في انه يطلع يتكلم عن أى حد فى أى وقت والناس للأسف بتسمع وتسكت .. الفنان دا اسمه رامي ـ وكل ما بيقعد من ٤ لـ ٥ شهور مايشتغلش! يزهق ويطلع يتكلم على بتوع الراب فى التليفزيون".
وأضاف ويجز: "هتكلم امتي على بتوع البوب اللى انت منهم واللى فى مجالك، انت مبتفهمش فى الراب حاجة زى ما انت قولت قبل كدة، ومش هتعرف تعمله، وكمان انا لو شوفت واحد سايق عجلة وانا مابعرفش هاحترمه لأنه عمل حاجة انا مش بعرف اعملها، ف أنت مبتقدرش الفنانين وفاكر أن هما عايزين يوصلولك وهما اصلا معدينك بكتير، انت رقم ١٩ يا رامي، انت بعيد اوي".
واختتم ويجز حديثه ، معلقا: "جماعة استنوا أغنيتي الجديدة يوم ٢٧ ومش هقولكوا عبارة عن ايه استاذ رامي بقي ممكن يقولنا ويشرحلنا الأغنية دي عبارة عن ايه دا لو فهم أصلا" .
وبعد تداول الفيديو الذي نشره ويجز، تسائل الجمهور من هو رامي الذي يقصده، وهل هو من نجم من نجوم الصف الأول أم مطرب شاب من نفس جيله.
اقرأ أيضاً | «حياتي اتدمرت من غيرك يابابا».. أول تعليق من إبنة محمد رحيم بعد وفاته
