أحمد عزمي: "كنت بخاف أنام مصحاش من كتر الخنقة والزعل"

 كشف الفنان أحمد عزمي عن كواليس حياته الشخصية مع ابنه آدم، وطبيعة علاقتهما الودية التي تجمعهما، وفترة ابتعادة عنه بعد الانفصال عن زوجته وكيف مرت عليه تلك الفترة، قائلا: "3 سنين آدم بعيد عني كان مع والدته فترة الانفصال".

حل أحمد عزمي ضيفا مع ابنه على برنامج "صاحبة السعادة " الذي تقدمه الإعلامية إسعاد يونس.

واستكمل عزمي :"  كنت بخاف أدخل أنام مصحاش من كتر الخنقة والزعل وأنا لوحدى، و بتمنى أكون معاه في المدرسة ودلوقتي لما رجعلي أنا اللي بذاكرله عربي ودين".
وتابع :"إحنا صحاب بنتناقش وملناش غير بعض وهو قعد فترة حارس مرمى وبعدين غضب عليهم" .
واختتم عزمي :" دلوقتي بيلعب سباحة وعمري ما فرضت عليه حاجة ".

ابن عزمي يكشف رأيه في الده 

وتحدث آجم عن طبيعة علاقته بوالده، قائلا: "بابا أول فنان في حياتي بشوفه رقم واحد وباخد رأيه في كل حاجة، بيوحشني وبقعد اجمع كل حاجة وأول ما أقابله بحكيله كل حاجة، واتفاجئت بالبوست اللي نزله هو طلع قال اللي عنده مقالش حاجة وحشة "

أحمد عزمي يكشف اللحظات الأخيرة في حياة والدته

وتحدث عزمي، عن تفاصيل تتعلق بوالدته الراحلة، مؤكدًا أنه كان يتحدث معها دائمًا ويطلب منها الدعاء له، وقال إن دعاءها صاحب الفضل في أن يتلقى استجابة سريعة من الشركة المتحدة بعد مناشدته.

وقال أحمد عزمي: "أمي كانت وردة وكانت تحب الخروج، ولكن مع خروجي من السجن قابلتني أختي الكبيرة وقالت لي عايزاك تدخل بس ما تتخضش، ولما دخلت شفتها تعبانة جدا من كتير الزعل مسكت نفسي بالعافية، وهي كان عندها اعتراض على حاجة أنا بعملها، وقررت بعدها إني ما أشربش تاني، ومرت 6 شهور وكلمتني أختي قالتلي أمي مش معانا فلازم تيجي لأنها في الأيام الأخيرة، ولما رحت وقلتلها ازيك يا أمي قالتلي انت بقت كده (إشارة بالإصبع على أنه جيد) رغم أنها لم تتحدث.. وبعد نصف ساعة توفيت".