وجهت الفنانة والإعلامية ريهام سعيد، رسالة للفنانة ريهام حجاج تشكرها على وقوفها بجانبها خلال فترة معاناتها مع الاكتئاب وحرصت علي مساعدتها نفسيا.
ونشرت ريهام سعيد، صورة لريهام حجاج، عبر حسابها على إنستجرام، وعلقت: "وقفت جنبي وهي متعرفنيش.. شجعتني وفضل عندها إصرار أنها تقومني من اللي كنت فيه وهي ملهاش أي مصلحة ولا محتاجة حاجة من حد"
وتابعت: "انتي اللي بيقولوا عليه ابن ناس بجد وجدعة بجد وأي حد طلع عليكي كلمة أو اختلف معاكي كان أسود متضايق بس منك عشان مش عارف يبقى في طيبتك ولا يبقي زيك".
وأضافت ريهام سعيد: "أنا تخلصت من الاكتتاب بسبب تشجيعك.. ربنا هيفضل معاكي عشان انتي كويسة بجد .. من قلبي شكرا ريهام حجاج".
خلاف ريهام سعيد وأيتن عامر
وكشفت الإعلامية ريهام سعيد، عن كواليس خلافها مع الفنانة أيتن عامر، مؤكدة أنها تكن لها الاحترام لكن لا يوجد بينهما أي تواصل.
وقالت ريهام سعيد، خلال لقائها في برنامج "كتاب الشهرة": "أيتن عامر طلعت في كذا برنامج اتكلمت عني بشكل مش لطيف بس أنا مفيش بيني وبينها أي حاجة وأنا بكن ليها كل احترام، بداية الخلاف أنها اتسألت سؤال في برنامج إيه رأيك في ريهام كممثلة؟ فقالت محتاجة تشتغل على نفسها شوية، أنا حسيت أن مينفعش زميل يقيم زميل، السؤال كان غلط".
اقرأ أيضًا |107 سنوات على ميلاد «سي السيد».. محطات فنية مهمة في حياة الراحل يحيى شاهين
وتابعت ريهام سعيد: "أنا مقدرش أقيم أيتن عامر، إزاي أقيم زميل؟ مفيش حاجة اسمها كده في ناس بتحب فلان ومتحبش فلان وناس تحب تمثيل حد وحد لا، أنا بحب في أيتن عامر المثابرة أن بالرغم من أن لو حصل مشكلة شخصية أو أي حاجة أنها تستثمر قوتها أنها تعلى".
واختتمت ريهام سعيد حديثها عن أيتن عامر: "مفيش تواصل بينا ومعرفش هي بتحبني ولا لأ، لكن ممكن يكون بداية الزعل أنها أخدت مني موقف بسبب برنامج المقالب اللي قدمته سنة 2013 " من غير زعل" بس دا مقلب.
عمر خيرت مع منى الشاذلي في كواليس حفله بـ «لندن».. قريباً
غضب تامر عبد المنعم من شائعة وفاته.. ويتخذ إجراءات قانونية
لقاء مي عز الدين مع إسعاد يونس في صاحبة السعادة يحقق 350 مليون مشاهدة
