عبير صبري عن الحجاب: فرض وأتمنى أرجع ألبسه

كشفت الفنانة عبير صبري عن رغبتها في العودة لارتداء الحجاب مرة ثانية ورأيها في قرارت عدد من الفنانات في إرتداء الحجاب والاعتزال ومن بعدها إعلان العودة للفن وخلع الحجاب مشيرة إلى أن خطوة إرتداء الحجاب هي فرض تتمنى تنفيذه.

وأوضحت عبير صبري قائلة :«خطوة ارتداء الحجاب ملهاش علاقة ابدا بالنصيحة أو إن حد ينصحك.. دي خطوة عميقة جدا في حياة أي ست أو بنت أيا كانت المهنة بتاعتها».

وتابعت في تصريحات صحفية قائلة :«ده قرار منها انها ناوية تقوم بتطبيق فرض من الفروض اللي عليها فدي حاجة بتاعتها لوحدها هي الوحيدة اللي تقدر تقيس جواها مدى صدق الرغبة ومدى القوة والارادة للحفاظ على الخطوة.. ودي حاجة محدش يعرف ينصح فيها حد».

إقرأ ايضا: في أقل من أسبوع.. «فؤش وهنيدي» يحتفلان بخطوبة أبنائهم| صور

وأكدت عبير صبري أنها ستكون داعمة لأي شخص يقبل على الخطوة متنية تكرارها قائلة :«أنا لو سمعت أن أي واحدة من الفنانات عايزة تتحجب اكيد هكون داعمة ليها» مضيفة :«وأنا شخصيا بتمناها لنفسي في يوم من الايام تاني بس معرفش التوقيت».

واختتمت حديثها قائلة :« قرار الحجاب مش سهل وعايز إرادة للحفاظ على الخطوة وأنها مترجعش فيها» مؤكدة على أن قرار إرتدائها الحجاب كان رغبة لديها.

وعن قرار الفنانة حلا شيحة بارتداء الحجاب ومن ثم التخلي عنه علقت عبير صبري قائلة :«كل واحد عنده تجربته الشخصية واسبابه ومش صح نفضل نقدم مبررات طول الوقت .. وفي النهاية إحنا لا نملك الحكم على الناس».